ਬਠਿੰਡਾ

ਹਰੀਆਂ ਸਬਜ਼ੀਆਂ ਦੇ ਭਾਅ ਅਸਮਾਨੀ ਚੜ੍ਹੇ <br/>

ਅ

ਅਜੀਤ ਡੈਸਕ 18-07-2025

ਬਠਿੰਡਾ, 17 ਜੁਲਾਈ (ਵੀਰਪਾਲ ਸਿੰਘ)-ਸਾਉਣੀ ਦੇ ਸੀਜ਼ਨ ਦੀਆਂ ਹਰੀਆਂ ਸਬਜ਼ੀਆਂ ਦੇ ਭਾਅ ਅਸਮਾਨੀ ਚੜ੍ਹਨ ਨਾਲ ਆਮ ਲੋਕਾਂ ਦੀ ਰਸੋਈ ਦਾ ਬਜਟ ਡਗਮਗਾ ਚੁੱਕਾ ਹੈ, ਜੂਨ ਮਹੀਨੇ ਵਿਚ ਵਧ ਗਰਮੀ ਪੈਣ ਨਾਲ ਹਰੀਆਂ ਸਬਜ਼ੀਆਂ ਦੀ ਪੈਦਾਵਾਰ 'ਤੇ ਵਧੇਰੇ ਅਸਰ ਪੈਣ ਨਾਲ ਸੂਬੇ ਭਰ ਦੀਆਂ ਸਬਜ਼ੀ ਮੰਡੀਆਂ ਵਿਚ ਬਾਜ਼ਾਰਾਂ ਦੀ ਮੰਗ ਤੋਂ ਘਟ ਸਬਜ਼ੀਆਂ ਪਹੁੰਚਣ ਨਾਲ ਇਸ ਵਾਰ ਸਾਉਣੀ ਦੀਆਂ ਸਬਜ਼ੀਆਂ ਦੇ ਭਾਅ ਵਿਚ ਵਧੇਰੇ ਤੇਜ਼ੀ ਦੇਖਣ ਨੂੰ ਮਿਲੀ ਹੈ | ਹਰੀਆਂ ਸਬਜ਼ੀਆਂ ਵਿਚ ਗੁਆਰੇ ਦੀਆਂ ਫ਼ਲੀਆਂ 150 ਰੁਪਏ ਪ੍ਰਤੀ ਕਿੱਲੋ, ਬੈਂਗਣੀ 70 ਰੁਪਏ ਪ੍ਰਤੀ ਕਿੱਲੋ, ਅਰਬੀ 65 ਰੁਪਏ ਪ੍ਰਤੀ ਕਿੱਲੋ, ਸ਼ਿਮਲਾ ਮਿਰਚ 80 ਰੁਪਏ ਪ੍ਰਤੀ ਕਿੱਲੋ, ਭਿੰਡੀ 70 ਰੁਪਏ ਪ੍ਰਤੀ ਕਿੱਲੋ, ਹਰਾ ਧਨੀਆਂ 400 ਰੁਪਏ ਕਿੱਲੋ, ਟਮਾਟਰ 120 ਰੁਪਏ ਪ੍ਰਤੀ ਕਿੱਲੋ ਤੱਕ ਮਹਿੰਗੇ ਭਾਅ ਵਿਚ ਵਿਕ ਰਹੇ ਹਨ | ਦੂਸਰੇ ਪਾਸੇ ਹੈਰਾਨੀ ਵਾਲੀ ਗੱਲ ਇਹ ਸਾਹਮਣੇ ਆਈ ਹੈ ਕਿ ਸਾਉਣੀ ਦੇ ਸੀਜ਼ਨ ਵਿਚ ਸਭ ਤੋਂ ਵਧ ਘਰ ਦੀ ਰਸੋਈ ਵਿਚ ਪੱਕਣ ਵਾਲੀਆਂ ਸਬਜ਼ੀਆਂ ਕੱਦੂ ਜਾਤੀ ਦੀਆਂ ਸਬਜ਼ੀਆਂ ਦੇ ਭਾਅ ਵੀ ਅਸਮਾਨੀ ਚੜੇ ਹੋਏ ਹਨ, ਕੱਦੂ, ਤੋਰੀ 70 ਰੁਪਏ ਪ੍ਰਤੀ ਕਿੱਲੋ, ਦੇਸੀ ਟਿੰਡਾਂ 100 ਰੁਪਏ ਪ੍ਰਤੀ ਕਿੱਲੋ, ਚੱਪਣ ਕੱਦੂ 70 ਰੁਪਏ, ਖੱਖੜੀ 40 ਰੁਪਏ ਕਿੱਲੋ ਤੱਕ ਰੀਟੇਲ ਮਾਰਕੀਟ ਵਿਚ ਵਿਕ ਰਹੀ ਹੈ |
ਕੱਦੂ ਨੇ ਵੀ ਆਪਣੇ ਚੰਗੇ ਰੰਗ ਦਿਖਾਏ ਹਨ, ਕੱਦੂ ਪ੍ਰਤੀ ਕਿੱਲੋ ਭਾਅ ਸੈਂਕੜੇ ਮਾਰਨ ਦੇ ਨੇੜ-ਤੇੜ ਪੁੱਜ ਚੁੱਕਾ ਕੱਦੂ ਸਬਜ਼ੀ ਰੀਟੇਲ ਮਾਰਕੀਟ ਵਿਚ 70 ਰੁਪਏ ਤੋਂ 80 ਰੁਪਏ ਪ੍ਰਤੀ ਕਿੱਲੋ ਤੱਕ ਪੁੱਜ ਚੁੱਕਾ ਹੈ | ਸਾਉਣੀ ਦੀਆਂ ਸਬਜ਼ੀਆਂ ਵਿਚ ਭਾਅ ਪੱਖੋਂ ਸਭ ਤੋਂ ਨਰਮ ਰਹਿਣ ਵਾਲਾ ਕੱਦੂ ਵੀ ਸਬਜ਼ੀਆਂ ਦੀ ਬਾਦਸ਼ਾਹੀ ਬਣਨ ਲਈ ਤਿਆਰ ਹੈ | ਚੜ੍ਹਦੇ ਸਾਉਣ ਸੂਬੇ ਭਰ ਵਿਚ ਪਏ ਵੱਧ ਮੀਂਹ ਨਾਲ ਸਬਜ਼ੀ ਕਾਸ਼ਤਕਾਰ ਦਾ ਭਾਰੀ ਨੁਕਸਾਨ ਹੋ ਗਿਆ | ਸਬਜ਼ੀਆਂ ਦੇ ਖੇਤਾਂ ਵਿਚ ਵਧੇਰੇ ਪਾਣੀ ਭਰਨ ਨਾਲ ਸਬਜ਼ੀਆਂ ਦੀ ਪੈਦਾਵਾਰ ਰੁਕ ਜਾਣ ਨਾਲ ਹਰੀਆਂ ਸਬਜ਼ੀਆਂ ਦੇ ਭਾਅ ਹੋਰ ਵਧ ਜਾਣਗੇ | ਸਬਜ਼ੀ ਮਾਰਕੀਟ ਵਿਚ ਇਸ ਸਾਲ ਆਲੂ ਤੇ ਗੰਡੇ ਦੇ ਭਾਅ ਸਥਿਰ ਬਣੇ ਰਹਿਣ ਨਾਲ ਲੋਕਾਂ ਨੂੰ ਰਾਹਤ ਮਿਲੀ ਹੈ | ਗੰਡੇ ਅਤੇ ਆਲੂ ਦਾ ਰੀਟੇਲ ਸਬਜ਼ੀ ਮਾਰਕੀਟ ਵਿਚ 20 ਤੋਂ 30 ਰੁਪਏ ਪ੍ਰਤੀ ਕਿੱਲੋ ਤੱਕ ਚੱਲ ਰਹੇ ਹਨ |

ਪਿਛਲੀ ਖ਼ਬਰ ਬੋਹਾ-ਬੁਢਲਾਡਾ ਸਟੇਟ ਹਾਈਵੇ ਸੜਕ 'ਤੇ ਪਾਣੀ ਖੜ੍ਹਨ ਨਾਲ ਸੜਕ ਟੁੱਟੀ <br/> ਅਗਲੀ ਖ਼ਬਰ ਸੂਬੇ 'ਚ 32 ਲੱਖ ਹੈਕਟੇਅਰ ਰਕਬੇ 'ਚ ਝੋਨੇ ਦੀ ਲੁਆਈ ਦਾ ਕੰਮ 90 ਫ਼ੀਸਦੀ ਮੁਕੰਮਲ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਹਰੀਆਂ ਸਬਜ਼ੀਆਂ ਦੇ ਭਾਅ ਅਸਮਾਨੀ ਚੜ੍ਹੇ <br/>

Subscribers Only Story

ਸੰਬੰਧਿਤ ਖ਼ਬਰਾਂ