ਅਜਨਾਲਾ, 19 ਜੁਲਾਈ (ਗੁਰਪ੍ਰੀਤ ਸਿੰਘ ਢਿੱਲੋਂ)-27 ਜੁਲਾਈ ਨੂੰ ਬਲਾਕ ਅਜਨਾਲਾ ਅੰਦਰ ਵੱਖ-ਵੱਖ ਗ੍ਰਾਮ ਪੰਚਾਇਤਾਂ ਅੰਦਰ ਸਰਪੰਚ ਅਤੇ ਪੰਚ ਦੇ ਅਹੁਦੇ ਲਈ ਹੋ ਰਹੀਆਂ ਉਪ ਚੋਣਾਂ ਦੌਰਾਨ ਸਰਪੰਚ ਦੇ 8 ਅਤੇ ਪੰਚ ਦੇ 26 ਉਮੀਦਵਾਰ ਚੋਣ ਮੈਦਾਨ ਵਿਚ ਨਿੱਤਰੇ ਹਨ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਡੱਬਰ ਬਸਤੀ 'ਚ ਸਰਪੰਚ ਦੇ ਅਹੁਦੇ ਲਈ 3, ਪਿੰਡ ਚੱਕ ਫੂਲਾ 'ਚ ਸਰਪੰਚ ਲਈ 2 ਅਤੇ ਪੰਚ ਅਹੁਦੇ ਲਈ 8 ਉਮੀਦਵਾਰ ਚੋਣ ਮੈਦਾਨ ਵਿਚ ਉਤਰੇ ਹਨ ਜਦਕਿ ਇਸ ਪਿੰਡ ਦੀ ਵਾਰਡ ਨੰਬਰ 5 ਵਿਚ ਮਹਿਲਾ ਉਮੀਦਵਾਰ ਪਲਵਿੰਦਰ ਕੌਰ ਬਿਨਾਂ ਮੁਕਾਬਲਾ ਜੇਤੂ ਐਲਾਨੀ ਗਈ ਹੈ | ਪਿੰਡ ਧੁੱਪਸੜੀ, ਤੇੜੀ ਅਤੇ ਪੰਡੋਰੀ ਸੁੱਖਾ ਸਿੰਘ 'ਚ ਪੰਚ ਅਹੁਦੇ ਲਈ ਚੋਣ ਲੜ ਰਹੇ ਉਮੀਦਵਾਰ ਵੀ ਬਿਨਾਂ ਮੁਕਾਬਲਾ ਜੇਤੂ ਐਲਾਨੇ ਗਏ ਹਨ | ਪਿੰਡ ਡਿਆਲ ਭੱਟੀ ਦੀ ਸਮੁੱਚੀ ਪੰਚਾਇਤ ਦੀ ਹੋ ਰਹੀ ਚੋਣ ਲਈ ਸਭ ਤੋਂ ਵੱਧ 17 ਉਮੀਦਵਾਰ ਚੋਣ ਮੈਦਾਨ ਵਿਚ ਹਨ |
