ਰੂਪਨਗਰ

ਸਰਕਾਰਾਂ ਦੀ ਟੇਕ ਛੱਡ ਕੇ ਖੇੜੀ ਘਾੜ ਦੇ ਲੋਕਾਂ ਨੇ ਗੁਰੂ ਘਰ ਜਾਣ ਲਈ ਖ਼ੁਦ ਹੀ ਤਿਆਰ ਕਰਵਾਇਆ ਲੋਹੇ ਦਾ ਰਸਤਾ <br/>

ਖੇੜੀ ਦੀਆਂ ਸੰਗਤਾਂ ਵਲੋਂ ਨਿਰਮਲ ਡੇਰਾ ਚੰਗਰ ਨੂੰ ਜਾਂਦੇ ਰਸਤੇ 'ਚ ਪੈਂਦੀ ਨਦੀ 'ਤੇ ਬਣਾਇਆ ਗਿਆ ਲੋਹੇ ਦਾ ਰਸਤਾ | ਤਸਵੀਰ : ਬੰਟੀ <br/> 20-07-2025

ਪੁਰਖਾਲੀ, 19 ਜੁਲਾਈ (ਅੰਮਿ੍ਤਪਾਲ ਸਿੰਘ ਬੰਟੀ)-ਇਲਾਕੇ ਦੇ ਨਗਰ ਖੇੜੀ ਘਾੜ ਦੀਆਂ ਸੰਗਤਾਂ ਨੇ ਸਾਂਝਾ ਉਪਰਾਲਾ ਕਰਦਿਆਂ ਬਰਸਾਤਾਂ ਦੇ ਮੌਸਮ ਦੌਰਾਨ ਨਦੀ ਦੀ ਮਾਰ ਤੋਂ ਬਚਣ ਲਈ ਅਤੇ ਨਦੀ ਤੋਂ ਆਰ-ਪਾਰ ਜਾਣ ਲਈ ਲੋਹੇ ਦਾ ਰਸਤਾ ਤਿਆਰ ਕਰਾਇਆ | ਇਸ ਸਬੰਧੀ ਨਗਰ ਦੀਆਂ ਸੰਗਤਾਂ ਨੇ ਸਾਂਝੇ ਤੌਰ 'ਤੇ ਦੱਸਿਆ ਕਿ ਨਗਰ ਨਿਵਾਸੀ ਸਾਰੀਆਂ ਸਰਕਾਰਾਂ ਤੋਂ ਖੇੜੀ ਅਤੇ ਗੁਰਦੁਆਰਾ ਨਿਰਮਲ ਡੇਰਾ ਚੰਗਰ ਵਿਚਕਾਰ ਪੈਂਦੀ ਨਦੀ 'ਤੇ ਪੁਲ ਲਗਾਉਣ ਅਤੇ ਸੜਕ ਪੱਕੀ ਕਰਨ ਦੀ ਮੰਗ ਕਰਦੇ ਆ ਰਹੇ ਸਨ ਪਰ ਪਤਾ ਨਹੀਂ ਕਿੰਨੀਆਂ ਹੀ ਸਰਕਾਰਾਂ ਆਈਆਂ ਪਰ ਕਿਸੇ ਨੇ ਵੀ ਉਨ੍ਹਾਂ ਦੀ ਇਸ ਸਮੱਸਿਆ ਵੱਲ ਧਿਆਨ ਨਹੀਂ ਦਿੱਤਾ | ਉਨ੍ਹਾਂ ਦੱਸਿਆ ਕਿ ਗੁਰਦੁਆਰਾ ਨਿਰਮਲ ਡੇਰਾ ਚੰਗਰ ਵਿਖੇ ਹਰ ਰੋਜ਼ ਨਗਰ ਅਤੇ ਇਲਾਕੇ ਦੀਆਂ ਸੰਗਤਾਂ ਜਾਂਦੀਆਂ ਹਨ | ਉਨ੍ਹਾਂ ਦੱਸਿਆ ਕਿ ਗੁਰਦੁਆਰਾ ਸਾਹਿਬ ਵਿਖ਼ੇ ਪੂਰਨਮਾਸ਼ੀ ਦਾ ਦਿਹਾੜਾ ਵੀ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ ਅਤੇ 31 ਜੁਲਾਈ ਨੂੰ ਸੰਤਾਂ ਦੀ ਬਰਸੀ ਧੂਮਧਾਮ ਨਾਲ ਮਨਾਈ ਜਾਂਦੀ ਹੈ | ਉਨ੍ਹਾਂ ਦੱਸਿਆ ਕਿ ਪ੍ਰੰਤੂ ਨਦੀ 'ਚ ਪਾਣੀ ਆਉਣ ਕਾਰਨ ਸੰਗਤਾਂ ਗੁਰੂ ਘਰ ਨਹੀਂ ਜਾ ਸਕਦੀਆਂ | ਉਨ੍ਹਾਂ ਦੱਸਿਆ ਸੰਗਤਾਂ ਇਲਾਕੇ ਦੇ ਸਰਕਾਰਾਂ ਨਾਲ ਸਬੰਧਿਤ ਚੁਣੇ ਨੁਮਾਇੰਦਿਆਂ ਤੋਂ ਨਦੀ ਨੰੂ ਪੁਲ ਲਗਾਉਣ ਅਤੇ ਸੰਗਤਾਂ ਦੀ ਸਹੂਲਤ ਖੇੜੀ ਤੋਂ ਨਿਰਮਲ ਡੇਰਾ ਚੰਗਰ ਤੱਕ ਸੜਕ ਬਣਾਉਣ ਦੀ ਮੰਗ ਕਰਦੇ ਆ ਰਹੇ ਹਨ ਪਰ ਕਿਸੇ ਨੇ ਉਨ੍ਹਾਂ ਦੀ ਬਾਂਹ ਨਹੀਂ ਫੜੀ ਤੇ ਉਨ੍ਹਾਂ ਦੇ ਪੱਲੇ ਲਾਰਿਆਂ ਤੋਂ ਸਵਾਏ ਕੱੁਝ ਨਹੀਂ ਪਿਆ | ਉਨ੍ਹਾਂ ਦੱਸਿਆ ਕਿ ਸਰਕਾਰਾਂ ਦੇ ਲਾਰਿਆਂ ਤੋਂ ਅੱਕ ਕੇ ਉਨ੍ਹਾਂ ਵਲੋਂ ਆਪਸੀ ਸਹਿਯੋਗ ਨਾਲ ਨਦੀ 'ਤੇ ਲੰਘਣ ਲਈ ਲੋਹੇ ਦਾ ਰਸਤਾ ਤਿਆਰ ਕਰਵਾਇਆ | ਉਨ੍ਹਾਂ ਕਿਹਾ ਕਿ ਇਸ ਰਸਤੇ ਨਾਲ ਬਰਸਾਤ ਦੇ ਦਿਨਾਂ 'ਚ ਸੰਗਤਾਂ ਨੂੰ ਗੁਰੂ ਘਰ ਜਾਣਾ ਆਸਾਨ ਹੋ ਜਾਵੇਗਾ ਅਤੇ ਲੋਕਾਂ ਨੂੰ ਆਪਣੀਆਂ ਜ਼ਮੀਨਾਂ 'ਚ ਜਾਣਾ ਸੌਖਾ ਹੋ ਜਾਵੇਗਾ, ਉਧਰ ਇਲਾਕਾ ਵਾਸੀਆਂ ਨੇ ਨਗਰ ਖੇੜੀ ਦੀਆਂ ਸੰਗਤਾਂ ਵਲੋਂ ਕੀਤੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ ਹੈ |

ਪਿਛਲੀ ਖ਼ਬਰ ਰਾਜ ਕੁਮਾਰ ਖੋਸਲਾ ਦੀ ਨਿਯੁਕਤੀ ਦਾ ਸਵਾਗਤ ਅਗਲੀ ਖ਼ਬਰ ਸ੍ਰੀ ਚਮਕੌਰ ਸਾਹਿਬ ਦੇ ਹਸਪਤਾਲ 'ਚ ਆਸ਼ਾ ਵਰਕਰਾਂ ਦੀ ਮੀਟਿੰਗ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਸਰਕਾਰਾਂ ਦੀ ਟੇਕ ਛੱਡ ਕੇ ਖੇੜੀ ਘਾੜ ਦੇ ਲੋਕਾਂ ਨੇ ਗੁਰੂ ਘਰ ਜਾਣ ਲਈ ਖ਼ੁਦ ਹੀ ਤਿਆਰ ਕਰਵਾਇਆ ਲੋਹੇ ਦਾ ਰਸਤਾ <br/>

Subscribers Only Story

ਸੰਬੰਧਿਤ ਖ਼ਬਰਾਂ