ਲੁਧਿਆਣਾ, 15 ਜੁਲਾਈ (ਜਗਮੀਤ ਸਿੰਘ)-ਆਰੀਆ ਸਿੱਖਿਆ ਮੰਡਲ ਵਲੋਂ ਆਰੀਆ ਸੀਨੀਅਰ ਸੈਕੰਡਰੀ ਸਕੂਲ ਲੜਕੀਆਂ, ਪੁਰਾਣਾ ਬਾਜ਼ਾਰ, ਲੁਧਿਆਣਾ ਵਿਚ ਗੁਰੂ-ਪੂਰਨਿਮਾ ਸਬੰਧੀ ਧਾਰਮਿਕ ਪੋ੍ਰਗਰਾਮ ਕਰਵਾਇਆ ਗਿਆ | ਸਕੂਲ ਦੀ ਪ੍ਰਮੁੱਖ ਅਨੂ ਸ਼ਰਮਾ ਦੇ ਨਾਲ ਅਧਿਆਪਕ ਅਤੇ ਵਿਦਿਆਰਥੀ ਵੀ ਮੌਜੂਦ ਰਹੇ | ਭਾਰਤੀ ਸਿੱਖਿਆ ਮੰਡਲ ਲੁਧਿਆਣਾ ਅਤੇ ਕਮਲਾ ਲੋਹਟੀਆ ਸਨਾਤਨ ਧਰਮ ਸੱਤ, ਲੁਧਿਆਣਾ ਦੀ ਸਹਾਇਕ ਅਧਿਆਪਕਾ ਨਿਧੀ ਸ਼ਰਮਾ ਨੇ ਗੁਰੂ-ਪੂਰਨਿਮਾ ਦੇ ਮਹੱਤਵ ਨੂੰ ਲੈ ਕੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਵਿਦਿਆਰਥੀਆਂ ਨੂੰ ਪੁਰਾਣੇ ਗ੍ਰੰਥਾਂ ਅਤੇ ਪੁਰਾਣਾਂ ਤੋਂ ਉਦਾਹਰਨ ਲੈ ਕੇ ਮਾਤਾ-ਪਿਤਾ, ਗੁਰੂ ਅਤੇ ਪ੍ਰਮਾਤਮਾ ਪ੍ਰਤੀ ਸ਼ਰਧਾ, ਮਾਨ-ਸਨਮਾਨ ਅਤੇ ਹੁਕਮਾਂ ਦਾ ਪਾਲਣ ਕਰਨ ਦੀ ਅਪੀਲ ਕੀਤੀ | ਸਮਾਗਮ ਦੇ ਅੰਤ 'ਚ ਸਕੂਲ ਪ੍ਰਮੁੱਖ ਅਨੂ ਸ਼ਰਮਾ ਨੇ ਭਾਰਤੀ ਸਿੱਖਿਆ ਮੰਡਲ ਮੰਚ ਦਾ ਧੰਨਵਾਦ ਕੀਤਾ |