ਸੁਨੀਲ ਜਾਖੜ ਜਾਂ ਤਾਂ ਮੇਰੇ ਗੈਂਗਸਟਰਾਂ ਨਾਲ ਸੰਬੰਧ ਸਿੱਧ ਕਰ ਦੇਣ, ਨਹੀਂ ਤਾਂ ਮੁਆਫ਼ੀ ਮੰਗਣ-ਗੋਲਡੀ ਮੁਸਾਫ਼ਰ
ਅਜੀਤ ਡੈਸਕ
19-07-2025
ਮੈਂ ਤਾਂ ਸੰਜੇ ਵਰਮਾ ਕਤਲ ਕਾਂਡ ਦੀ ਜ਼ਿੰਮੇਵਾਰੀ ਲੈਣ ਵਾਲੇ ਗੈਂਗਸਟਰ ਆਰਜ਼ੂ ਬਿਸ਼ਨੋਈ ਨੂੰ ਜਾਣਦਾ ਤੱਕ ਨਹੀਂ | ਉਨ੍ਹਾਂ ਕਿਹਾ ਕਿ ਮੈਂ ਅੱਜ ਆਪਣੀ ਵਿਧਾਨ ਸਭਾ ਮੈਂਬਰੀ ਦਾ ਅਸਤੀਫ਼ਾ ਲਿਖ ਕੇ ਆਪਣੇ ਨਾਲ ਲੈ ਕੇ ਆਇਆ ਹਾਂ | ਜੇਕਰ ਭਾਜਪਾ ਸੂਬਾ ਪ੍ਰਧਾਨ ਮੇਰੇ 'ਤੇ ਗੈਂਗਸਟਰਾਂ ਨਾਲ ਸਬੰਧ ਹੋਣ ਦਾ ਲਗਾਇਆ ਕਥਿਤ ਦੋਸ਼ ਸਾਬਤ ਕਰ ਦੇਣ ਤਾਂ ਮੈਂ ਤੁਰੰਤ ਵਿਧਾਨ ਸਭਾ ਦੀ ਮੈਂਬਰਸ਼ਿਪ ਤੋਂ ਅਸਤੀਫ਼ਾ ਦੇ ਦਿਆਂਗਾ | ਜੇਕਰ ਸੁਨੀਲ ਜਾਖੜ ਹੋਰਾਂ ਤੋਂ ਮੇਰੇ 'ਤੇ ਲਗਾਏ ਕਥਿਤ ਦੋਸ਼ ਸਾਬਿਤ ਨਹੀਂ ਹੁੰਦੇ ਤਾਂ ਸੁਨੀਲ ਜਾਖੜ ਮੇਰੇ ਤੋਂ ਜਨਤਕ ਤੌਰ 'ਤੇ ਮੁਆਫ਼ੀ ਮੰਗਣ | ਜੇਕਰ ਉਨ੍ਹਾਂ ਇਕ ਹਫ਼ਤੇ ਵਿਚ ਇਹ ਸਿੱਧ ਨਾ ਕੀਤਾ ਤਾਂ ਉਹ ਸੁਨੀਲ ਜਾਖੜ ਹੋਰਾਂ ਵਿਰੁੱਧ ਕੋਰਟ ਵਿਚ ਜਾਣਗੇ | ਜਦੋਂ ਇਸ ਸਬੰਧ ਵਿਚ ਭਾਜਪਾ ਸੂਬਾ ਪ੍ਰਧਾਨ ਸੁਨੀਲ ਕੁਮਾਰ ਜਾਖੜ ਨਾਲ ਗੱਲਬਾਤ ਕਰਨੀ ਚਾਹੀ ਤਾਂ ਵਾਰ-ਵਾਰ ਫ਼ੋਨ ਕਰਨ 'ਤੇ ਵੀ ਫ਼ੋਨ ਨਹੀਂ ਚੁੱਕਿਆ |
