ਧਾਰਕਲਾਂ, 20 ਜੁਲਾਈ (ਨਰੇਸ਼ ਪਠਾਨੀਆ)-ਨੀਮ ਪਹਾੜੀ ਖੇਤਰ ਧਾਰਕਲਾਂ ਅਧੀਨ ਪੈਂਦੇ ਪਠਾਨਕੋਟ-ਚੰਬਾ ਰਾਸ਼ਟਰੀ ਰਾਜ ਮਾਰਗ 154ਏ 'ਤੇ ਸਥਿਤ ਪਿੰਡ ਦੁਨੇਰਾ ਵਿਖੇ ਇਕ ਕਾਰ ਨੰਬਰ ਐਚ.ਪੀ. 57-9087 ਬੇਕਾਬੂ ਹੋ ਕੇ ਦੁਰਘਟਨਾ ਦਾ ਸ਼ਿਕਾਰ ਹੋ ਗਈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਾਰ ਚਾਲਕ ਸਾਬਕਾ ਫੌਜ ਅਧਿਕਾਰੀ ਹਿਮਾਚਲ ਪ੍ਰਦੇਸ਼ ਤੋਂ ਦੁਨੇਰਾ ਵੱਲ ਕਿਸੇ ਨਿੱਜੀ ਕੰਮ ਲਈ ਆ ਰਿਹਾ ਸੀ ਕਿ ਦੁਨੇਰਾ ਬਾਜ਼ਾਰ ਤੋਂ ਪਹਿਲਾਂ ਇਕ ਤਿੱਖੇ ਮੋੜ 'ਤੇ ਫਿਸਲ ਕੇ ਸੜਕ ਕਿਨਾਰੇ ਪਾਣੀ ਦੀ ਮੋਟੀ ਪਾਈਪ ਨਾਲ ਟਕਰਾ ਕੇ ਦੁਰਘਟਨਾ ਦਾ ਸ਼ਿਕਾਰ ਹੋ ਗਈ | ਕਾਰ ਚਾਲਕ ਸਾਬਕਾ ਫੌਜ ਅਧਿਕਾਰੀ ਨੇ ਦੱਸਿਆ ਕਿ ਏਅਰ ਬੈਗ ਖੁੱਲ੍ਹ ਗਏ, ਜਿਸ ਨਾਲ ਉਹ ਸੁਰੱਖਿਅਤ ਬਚ ਗਏ |
