ਮਜਾਰੀ/ਸਾਹਿਬਾ, 20 ਨਵੰਬਰ (ਨਿਰਮਲਜੀਤ ਸਿੰਘ ਚਾਹਲ)-ਤਾਮ੍ਰ ਯੁੱਗ ਆਯੁਰਵੈਦਾਂ ਮੋਹਾਲੀ ਵਲੋਂ ਸ਼੍ਰੀ ਗੁਰੂ ਤੇਗ਼ ਬਹਾਦਰ ਜੀ ਦੇ 350 ਸਾਲਾ ਸ਼ਹੀਦੀ ਨੂੰ ਸਮਰਪਿਤ ਇਲਾਕੇ ਦੇ ਪ੍ਰਸਿੱਧ ਧਾਰਮਿਕ ਅਸਥਾਨ ਲੱਖ ਦਾਤਾ ਪੀਰ ਭੈਰੋਂ ਯਤੀ ਮੰਦਰ ਚੁਸ਼ਮਾਂ ਵਿਖੇ ਪ੍ਰਬੰਧਕ ਕਮੇਟੀ ਤੇ ਇਲਾਕੇ ਦੀਆਂ ਸੰਗਤਾਂ ਦੇ ਸਹਿਯੋਗ ਨਾਲ ਮੁਫ਼ਤ ਆਯੁਰਵੈਦਾਂ ਕੈਂਪ ਲਗਾਇਆ ਗਿਆ | ਜਿਸ ਦਾ ਉਦਘਾਟਨ ਕਮੇਟੀ ਦੇ ਪ੍ਰਧਾਨ ਤਰਸੇਮ ਸਿੰਘ ਸਿੰਬਲ ਮਜਾਰਾ ਵਲੋਂ ਸਮੂਹ ਮੈਂਬਰਾਂ ਦੇ ਸਹਿਯੋਗ ਨਾਲ ਕੀਤਾ ਗਿਆ | ਇਸ ਮੌਕੇ ਆਯੁਰਵੈਦਾਂ ਡਾ. ਮੈਡਮ ਤਨਵੀ ਅਰੋੜਾ ਅਤੇ ਡਾ. ਜਗਜੀਤ ਅਰੋੜਾ ਵਲੋਂ ਆਪਣੀ ਟੀਮ ਨਾਲ 200 ਤੋਂ ਵੱਧ ਮਰੀਜ਼ਾਂ ਦਾ ਚੈੱਕਅਪ ਕੀਤਾ ਗਿਆ | ਜਿਸ ਵਿਚ ਸਰਵਾਈਕਲ, ਚਿੰਤਾ, ਅਸਥਮਾ, ਅਰਥਰਾਈਟੀਸ, ਸਲਿੱਪ ਡਿਸਕ, ਐਸ.ਡੀ.ਟੀ, ਆਈ.ਬੀ.ਐਸ, ਸਕਿਨ, ਪੀ.ਸੀ.ਓ.ਡੀ, ਕਬਜ਼ ਤੋਂ ਇਲਾਵਾ ਹੋਰ ਬਿਮਾਰੀਆਂ ਦਾ ਚੈੱਕਅਪ ਤੇ ਸਰੀਰ ਦੇ ਲੋੜ ਅਨੁਸਾਰ ਟੈੱਸਟ ਕਰਵਾ ਕੇ ਲੋੜ ਅਨੁਸਾਰ ਦਵਾਈਆਂ ਦਿੱਤੀਆਂ ਗਈਆਂ | ਇਸ ਮੌਕੇ ਪ੍ਰਧਾਨ ਤਰਸੇਮ ਸਿੰਘ, ਜੋਗਾ ਸਿੰਘ, ਅਵਤਾਰ ਸਿੰਘ, ਸੂਬੇਦਾਰ ਸੁਰਜੀਤ ਸਿੰਘ, ਮੱਖਣ ਸਿੰਘ, ਚੈਂਚਲ ਸਿੰਘ, ਗੁਰਬਖ਼ਸ਼ ਸਿੰਘ, ਮੱਖਣ ਪਨੇਸਰ, ਸਤਨਾਮ ਸਿੰਘ, ਸੁਖਦੇਵ ਸਿੰਘ, ਗੁਰਦੀਪ ਸਿੰਘ, ਉਕਾਂਰ ਸਿੰਘ, ਕਮਲਜੀਤ ਸਿੰਘ, ਬਿੱਟੂ ਨਾਈ ਮਜਾਰਾ ਆਦਿ ਹਾਜ਼ਰ ਸਨ |
