ਨਵਾਂਸ਼ਹਿਰ, 6 ਨਵੰਬਰ (ਹਰਮਿੰਦਰ ਸਿੰਘ ਪਿੰਟੂ) - ਬਾਬਾ ਵਜ਼ੀਰ ਸਿੰਘ ਖਾਲਸਾ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ ਨਵਾਂਸ਼ਹਿਰ ਵਿਖੇ ਐਨ. ਐਸ.ਐਸ.ਕੈਂਪ ਦੇ ਦੂਜੇ ਦਿਨ ਦੀ ਅਰੰਭਤਾ ਹੇਮੰਤ ਰੰਦੇਵ ਸਾਬਕਾ ਪ੍ਰਧਾਨ ਰਾਹੋਂ ਅਤੇ ਪਿ੍ੰਸ ਬੰਗਾ ਵਲੋਂ ਕੀਤੀ ਗਈ | ਪ੍ਰਧਾਨ ਨੇ ਬੱਚਿਆਂ ਨੂੰ ਇੱਕ ਜਿੰਮੇਵਾਰ ਨਾਗਰਿਕ ਦੇ ਕਰਤੱਵ, ਸਿੱਖਿਆ ਦੀ ਸਾਡੀ ਜਿੰਦਗੀ ਵਿੱਚ ਮਹੱਤਤਾ, ਆਲੇ-ਦੁਆਲੇ ਦੀ ਸਫਾਈ ਅਤੇ ਬੂਟੇ ਲਗਾਉਣ ਸਬੰਧੀ, ਬੱਚਿਆਂ ਨੂੰ ਨਸ਼ੇ ਦਾ ਸੇਵਨ ਨਾ ਕਰਨ ਲਈ ਪ੍ਰੇਰਿਤ ਕੀਤਾ | ਸਕੂਲ ਦੇ ਪਿ੍ੰਸੀਪਲ ਜਸਵੀਰ ਸਿੰਘ ਵਲੋਂ ਵਿਸ਼ੇਸ ਤੌਰ 'ਤੇ ਧੰਨਵਾਦ ਕੀਤਾ | ਇਸ ਮੌਕੇ ਸਕੂਲ ਦੇ ਸਮੂਹ ਸਟਾਫ ਮੈਬਰ ਸੁਰਜੀਤ ਕੌਰ ਵਾਇਸ ਪਿ੍ੰਸੀਪਲ, ਮੈਡਮ ਸੰਦੀਪ ਕੌਰ, ਸੁਖਜਿੰਦਰ, ਨੀਰਜ, ਰੇਖਾ ਮੈਡਮ, ਬੰਧਨਾ ਮੈਡਮ, ਆਸ਼ੂ ਮੈਡਮ, ਅੰਜੂ ਮੈਡਮ ਮੌਜੂਦ ਸਨ | ਇਸ ਮੌਕੇ 'ਤੇ ਸੰਦੀਪ ਮੈਡਮ ਨੇ ਸਟੇਜ ਦਾ ਸੰਚਾਲਨ ਕਰਦੇ ਹੋਏ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ | ਫਿਰ ਬੱਚਿਆਂ ਦੇ ਖੇਡ ਮੁਕਾਬਲੇ ਕਰਵਾਏ ਗਏ ਅਤੇ ਸਾਰੇ ਬੱਚਿਆਂ ਨੇ ਬਹੁਤ ਸਾਰੀਆਂ ਗਤੀਵਿਧੀਆਂ ਕੀਤੀਆਂ |