ਐੱਨ. ਐੱਸ. ਐੱਸ. ਦਿਵਸ ’ਤੇ ਸੇਵਾ ਸੰਕਲਪ ਅਭਿਆਨ ਤਹਿਤ ਕੈਂਪ ਲਗਾਇਆ

ਯਮੁਨਾਨਗਰ , 25 ਸਤੰਬਰ ( ਗੁਰਦਿਆਲ ਸਿੰਘ ਨਿਮਰ )- ਐੱਨ . ਐੱਸ .

ਅ

ਅਜੀਤ ਡੈਸਕ 26-09-2026

ਯਮੁਨਾਨਗਰ , 25 ਸਤੰਬਰ ( ਗੁਰਦਿਆਲ ਸਿੰਘ ਨਿਮਰ )- ਐੱਨ . ਐੱਸ . ਐੱਸ . ਦਿਵਸ ਦੇ ਮੌਕੇ ‘ ਤੇ ਯਮੁਨਾਨਗਰ ਦੇ ਦਾਮਲਾ ਸਥਿਤ ਸੇਠ ਜੈ ਪ੍ਰਕਾਸ਼ ਪੌਲੀਟੈਕਨਿਕ ਦੀ ਐੱਨ . ਐੱਸ . ਐੱਸ . ਇਕਾਈ ਨੇ ‘ ਸੇਵਾ ਸੰਕਲਪ ਅਭਿਆਨ ’ ਪਹਿਲਕਦਮੀ ਦੇ ਤਹਿਤ ਇਕ ਰੋਜ਼ਾ ਐੱਨ . ਐੱਸ . ਐੱਸ . ਕੈਂਪ ਲਗਾਇਆ ਜਿਸ ਦਾ ਤਾਲਮੇਲ ਐੱਨ . ਐੱਸ . ਐੱਸ . ਪ੍ਰੋਗਰਾਮ ਅਫਸਰ ਰਿਚਾ ਖਰਬੰਦਾ ਨੇ ਕੀਤਾ । ਇਸ ਮੌਕੇ ਸੰਸਥਾ ਦੇ 85 ਐੱਨ . ਐੱਸ . ਐੱਸ . ਵਲੰਟੀਅਰਾਂ ਨੇ ਕੈਂਪ ਵਿਚ ਉਤਸ਼ਾਹ ਨਾਲ ਹਿੱਸਾ ਲਿਆ । ਪ੍ਰਿੰ . ਸੰਜੀਵ ਸਹਿਗਲ ਨੇ ਸਾਰੇ ਐੱਨ . ਐੱਸ . ਐੱਸ . ਵਲੰਟੀਅਰਾਂ ਨੂੰ ਸੰਬੋਧਨ ਕੀਤਾ , ਉਨ੍ਹਾਂ ਨੂੰ ਸਮਾਜ ਦੀ ਸੇਵਾ ਕਰਨ ਲਈ ਪ੍ਰੇਰਿਤ ਕੀਤਾ । ਉਨ੍ਹਾਂ ਨੇ ਐੱਨ . ਐੱਸ . ਐੱਸ . ਪ੍ਰੋਗਰਾਮ ਅਫਸਰ ਰਿਚਾ ਖਰਬੰਦਾ ਦੁਆਰਾ ਕੀਤੇ ਜਾ ਰਹੇ ਸੇਵਾ ਯਤਨਾਂ ਦੀ ਸ਼ਲਾਘਾ ਕੀਤੀ । ਸੇਵਾ ਸੰਕਲਪ ਅਭਿਆਨ ਦੇ ਹਿੱਸੇ ਵਜੋਂ ਵਲੰਟੀਅਰਾਂ ਨੇ ਲੋੜਵੰਦ ਬੱਚਿਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਆਪਣੇ ਘਰਾਂ ਤੋਂ ਕਈ ਤਰ੍ਹਾਂ ਦੀਆਂ ਉਪਯੋਗੀ ਚੀਜ਼ਾਂ ਇਕੱਠੀਆਂ ਕੀਤੀਆਂ । ਕਾਲਜ ਕੈਂਪਸ ਵਿਚ ਇਕੱਠੀਆਂ ਕੀਤੀਆਂ ਗਈਆਂ ਚੀਜ਼ਾਂ ਨੂੰ ‘ ਸੇਵਾ ਸੰਕਲਪ ਅਭਿਆਨ ’ ਲਈ ਬਣਾਏ ਗਏ ਡੱਬਿਆਂ ਵਿਚ ਵਿਵਸਥਿਤ ਕੀਤਾ ਗਿਆ ਸੀ । ਇਨ੍ਹਾਂ ਚੀਜ਼ਾਂ ਵਿਚ ਲੱਡੂ ਅਤੇ ਹੋਰ ਖਾਣ - ਪੀਣ ਦੀਆਂ ਚੀਜ਼ਾਂ , ਸਟੇਸ਼ਨਰੀ , ਨੋਟਬੁੱਕ , ਪੈਨਸਿਲ , ਰਬੜ ਤੇ ਕੱਪੜੇ ਸ਼ਾਮਿਲ ਸਨ । ਫਿਰ ਇਹ ਚੀਜ਼ਾਂ ਯਮੁਨਾਨਗਰ ਦੀਆਂ ਝੁੱਗੀਆਂ ਵਿਚ ਰਹਿਣ ਵਾਲੇ ਲਗਭਗ 25-30 ਲੋੜਵੰਦ ਪਰਿਵਾਰਾਂ ਦੇ ਬੱਚਿਆਂ ਤੇ ਪਰਿਵਾਰਾਂ ਨੂੰ ਵੰਡੀਆਂ ਗਈਆਂ । ਕੰਪਿਊਟਰ ਇੰਜੀਨੀਅਰਿੰਗ ਵਿਭਾਗ ਦੇ ਲੈਕਚਰਾਰ ਯੋਗੇਸ਼ ਕੁਮਾਰ ਤੇ ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਵਿਭਾਗ ਦੇ ਲੈਕਚਰਾਰ ਨਿਖਿਲ ਨੇ ਵੀ ਮੁਹਿੰਮ ਦੇ ਸਫਲ ਸੰਚਾਲਨ ਵਿਚ ਸਹਾਇਤਾ ਕੀਤੀ । ਸੇਵਾ ਸੰਕਲਪ ਅਭਿਆਨ ਦੇ ਦੂਜੇ ਪੜਾਅ ਵਿਚ ਐੱਨ . ਐੱਸ . ਐੱਸ . ਵਲੰਟੀਅਰਾਂ ਨੇ ਗੁਰਦੁਆਰਾ ਬੁਡੀਆ ਸਾਹਿਬ ਦਾ ਦੌਰਾ ਕੀਤਾ , ਜਿਥੇ ਉਨ੍ਹਾਂ ਨੇ ਸਫ਼ਾਈ ਮੁਹਿੰਮ ਵਿਚ ਹਿੱਸਾ ਲਿਆ ਅਤੇ ਵਿਹੜੇ ਦੀ ਸਫ਼ਾਈ ਕੀਤੀ ।

ਪਿਛਲੀ ਖ਼ਬਰ ਲੇਖ ਲਿਖਣ ਮੁਕਾਬਲਾ ਕਰਵਾਇਆ ਅਗਲੀ ਖ਼ਬਰ ਟੋਹਾਣਾ ਦੇ ਸ਼ਹੀਦ ਚੌਕ ਨਜ਼ਦੀਕ ਸੈਨੇਟਰੀ ਦੀ ਦੁਕਾਨ ਨੂੰ ਲੱਗੀ ਭਿਆਨਕ ਅੱਗ