ਗੁਰੂਹਰਸਹਾਏ ਨੇੜੇ ਅੱਗ ਨਾਲ ਸੈਂਕੜੇ ਏਕੜ ਕਣਕ ਤੇ ਨਾੜ ਸੜਿਆ
ਗੁਰੂਹਰਸਹਾਏ (ਫਿਰੋਜ਼ਪੁਰ), 19 ਅਪ੍ਰੈਲ (ਹਰਚਰਨ ਸਿੰਘ ਸੰਧੂ)-ਗੁਰੂਹਰਸਹਾਏ ਦੇ ਆਸ-ਪਾਸ ਦੇ ਪਿੰਡਾਂ ਵਿਚ ਲੱਗੀ ਭਿਆਨਕ ਅੱਗ ਨਾਲ ਪਿੰਡ ਲਾਲਚੀਆਂ, ਚੱਪਾ ਅੜਿਕੀ, ਝਾਵਲਾ ਅਤੇ ਕੋਹਰ ਸਿੰਘ ਵਾਲਾ ਵਿਖੇ ਸੈਂਕੜੇ ਏਕੜ ਨਾੜ ਅਤੇ ਸੈਂਕੜੇ ਏਕੜ ਹੀ ਕਣਕ ਸੜਨ ਦੀ ਖ਼ਬਰ ਹੈ। ਦੁਪਹਿਰ ਵੇਲੇ ਉਠੀ ਅੱਗ ਤੇਜ਼ ਹਵਾਵਾਂ ਕਾਰਨ ਫੈਲਦੀ ਗਈ। ਪਿੰਡਾਂ ਦੇ ਕਿਸਾਨਾਂ ਨੇ ਆਪੋ-ਆਪਣੇ ਟਰੈਕਟਰ ਤੇ ਹੋਰ ਸਾਧਨਾਂ ਰਾਹੀਂ ਅੱਗ ਉਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਅਸਫਲ ਰਹਿਣ ਕਾਰਨ ਪਿੰਡ ਕੋਹਰ ਸਿੰਘ ਵਾਲਾ ਵਿਖੇ ਰੇਲਵੇ ਸਟੇਸ਼ਨ ਕੋਲ ਅੱਗ ਫੈਲਦੀ ਗਈ। ਇਸ ਨਾਲ ਪਿੰਡ ਕੋਹਰ ਸਿੰਘ ਵਾਲਾ ਦੇ ਕਿਸਾਨ ਅੰਗਰੇਜ਼ ਸਿੰਘ ਦੀ 8 ਏਕੜ ਕਣਕ ਸੜ ਕੇ ਸੁਆਹ ਹੋ ਗਈ। ਇਸ ਤੋਂ ਇਲਾਵਾ ਕਿਸਾਨ ਨਰਿੰਦਰ ਸਿੰਘ ਦੇ ਖੇਤਾਂ ਵਿਚ 25 ਏਕੜ ਕਣਕ ਸੜ ਗਈ। ਪਿੰਡ ਦਿਲਾ ਰਾਮ ਵਿਖੇ ਇਕ ਕਿਸਾਨ ਦੀ 18 ਏਕੜ ਅਤੇ ਬਸਤੀ ਲਾਭ ਸਿੰਘ ਵਾਲੀ ਵਿਖੇ ਵੀ ਵੱਖ-ਵੱਖ ਕਿਸਾਨਾਂ ਦੀ 20 ਏਕੜ ਕਣਕ ਅੱਗ ਨਾਲ ਸੜ ਗਈ। ਇਸ ਅੱਗ ਨਾਲ ਕਈ ਹੋਰ ਕਿਸਾਨਾਂ ਦੀ ਕਣਕ ਵੀ ਸੜ ਗਈ। ਫਾਇਰ ਬ੍ਰਿਗੇਡ ਕਾਫੀ ਲੇਟ ਪਹੁੰਚਣ ਕਾਰਨ ਇਹ ਕਣਕ ਸੜ ਚੁੱਕੀ ਸੀ। ਖ਼ਬਰ ਲਿਖੇ ਜਾਣ ਤੱਕ ਅੱਗ ਦਾ ਕਹਿਰ ਜਾਰੀ ਸੀ।
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
