ਵਕਫ਼ ਸੋਧ ਬਿੱਲ ’ਤੇ ਬੋਲੇ ਗੌਰਵ ਗੋਗੋਈ, ਸਰਕਾਰ ਫੈਲਾ ਰਹੀ ਭਰਮ

ਨਵੀਂ ਦਿੱਲੀ, 2 ਅਪ੍ਰੈਲ- ਲੋਕ ਸਭਾ ਵਿਚ ਕਾਂਗਰਸ ਦੇ ਡਿਪਟੀ ਲੀਡਰ ਗੌਰਵ ਗੋਗੋਈ ਨੇ ਵਕਫ਼ ਸੋਧ ਬਿੱਲ ’ਤੇ ਬੋਲਦੇ ਹੋਏ ਕਿਹਾ ਕਿ ਅੱਜ ਉਨ੍ਹਾਂ (ਸਰਕਾਰ) ਦੀਆਂ ਨਜ਼ਰਾਂ ਇਕ ਖਾਸ ਭਾਈਚਾਰੇ ਦੀ ਜ਼ਮੀਨ ’ਤੇ ਹਨ। ਕੱਲ੍ਹ, ਉਨ੍ਹਾਂ ਦੀਆਂ ਨਜ਼ਰਾਂ ਸਮਾਜ ਦੇ ਹੋਰ ਘੱਟ ਗਿਣਤੀਆਂ ਦੀ ਜ਼ਮੀਨ ’ਤੇ ਹੋਣਗੀਆਂ। ਉਨ੍ਹਾਂ ਅੱਗੇ ਕਿਹਾ ਕਿ ਉਹ (ਸਰਕਾਰ) ਇਹ ਭਰਮ ਫੈਲਾਉਣਾ ਚਾਹੁੰਦੇ ਹਨ ਕਿ ਮੌਜੂਦਾ ਕਾਨੂੰਨ ਔਰਤਾਂ ਦੇ ਵਿਰੁੱਧ ਹੈ, ਕਿ ਇਸ ਵੇਲੇ ਔਰਤਾਂ ਨੂੰ ਕੋਈ ਭੂਮਿਕਾ ਨਹੀਂ ਮਿਲਦੀ। ਇਹ ਸਾਰੇ ਪ੍ਰਬੰਧ ਕਾਨੂੰਨ ਵਿਚ ਪਹਿਲਾਂ ਹੀ ਮੌਜੂਦ ਹਨ, ਭਾਵੇਂ ਇਹ ਵਿਧਵਾਵਾਂ ਦੀ ਸੁਰੱਖਿਆ ਹੋਵੇ ਜਾਂ ਔਰਤਾਂ ਨੂੰ ਹੋਰ ਮਦਦ ਦੇਣਾ। ਉਹ ਸੁਧਾਰਾਂ ਦੀ ਗੱਲ ਕਰਦੇ ਹਨ, ਪਰ ਉਨ੍ਹਾਂ ਨੇ ਜੋ ਮਾਲੀਆ ਆਉਣਾ ਚਾਹੀਦਾ ਸੀ, ਉਸ ਨੂੰ ਘਟਾ ਦਿੱਤਾ, ਉਨ੍ਹਾਂ ਨੇ ਇਸ ਨੂੰ ਕਿਉਂ ਘਟਾਇਆ? ਕੀ ਤੁਸੀਂ ਨਹੀਂ ਚਾਹੁੰਦੇ ਕਿ ਵਕਫ਼ ਬੋਰਡ ਬਿਹਤਰ ਢੰਗ ਨਾਲ ਕੰਮ ਕਰੇ? ਉਨ੍ਹਾਂ ਨੇ ਮਾਲੀਆ 7% ਤੋਂ ਘਟਾ ਕੇ 5% ਕਿਉਂ ਕੀਤਾ? ਸਾਡਾ ਸੁਝਾਅ ਹੈ ਕਿ ਇਸ ਨੂੰ ਘਟਾਉਣ ਦੀ ਬਜਾਏ, ਤੁਹਾਨੂੰ ਇਸ ਮਾਲੀਏ ਨੂੰ 7% ਤੋਂ ਵਧਾ ਕੇ 11% ਕਰਨਾ ਚਾਹੀਦਾ ਹੈ।