ਮਸੇਰੇ ਭਰਾ ਨੇ ਮੌਤ ਦੇ ਘਾਟ ਉਤਾਰਿਆ ਭਰਾ

ਮਾਛੀਵਾੜਾ ਸਾਹਿਬ, (ਲੁਧਿਆਣਾ), 20 ਨਵੰਬਰ (ਮਨੋਜ ਕੁਮਾਰ)- ਖੂਨੀ ਰਿਸ਼ਤਿਆਂ ਵਿਚ ਵੱਧ ਰਹੀ ਦਰਾਰ ਦਾ ਇਕ ਹੋਰ ਖ਼ੌਫ਼ਨਾਕ ਮੰਜਰ ਉਸ ਸਮੇਂ ਦੇਖਣ ਨੂੰ ਮਿਲਿਆ ਜਦੋਂ ਬੀਤੀ ਰਾਤ ਪਿੰਡ ਝਾੜ ਸਾਹਿਬ ਨਜ਼ਦੀਕ ਮੇਨ ਸੜਕ ’ਤੇ ਮਸੇਰੇ ਭਰਾਵਾਂ ਵਿਚੋਂ ਇਕ ਭਰਾ ਨੇ ਦੂਸਰੇ ਭਰਾ ਦਾ ਬੜੀ ਹੀ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ। ਇਨ੍ਹਾਂ ਵਿਚ ਮਿ੍ਰਤਕ ਰਸ਼ਪਾਲ ਸਿੰਘ (52) ਤੇ ਕਤਲ ਨੂੰ ਅੰਜਾਮ ਦੇਣ ਵਾਲਾ ਦੂਸਰਾ ਭਰਾ ਚਮਕੌਰ ਸਿੰਘ, ਜਿਹੜੇ ਟਰੱਕ ਵਿਚ ਢੋਆ ਢੁਆਈ ਦਾ ਕੰਮ ਕਰਦੇ ਸਨ, ਰਾਤ ਇਕੱਠੇ ਹੋਏ ਤੇ ਪਹਿਲਾਂ ਹੀ ਪਰਿਵਾਰਕ ਰੰਜਿਸ਼ ਕਰਕੇ ਇਕ ਦੂਸਰੇ ’ਤੇ ਹਮਲਾ ਕਰ ਦਿੱਤਾ ਤੇ ਰਸ਼ਪਾਲ ਸਿੰਘ ਦੀ ਮੌਕੇ ’ਤੇ ਮੋਤ ਹੋ ਗਈ। ਫਿਲਹਾਲ ਮਾਛੀਵਾੜਾ ਪੁਲਿਸ ਪਰਿਵਾਰਕ ਮੈਂਬਰਾਂ ਦੇ ਬਿਆਨ ਦਰਜ ਕਰਕੇ ਕਾਨੂੰਨੀ ਕਾਰਵਾਈ ਅਮਲ ਵਿਚ ਲਿਆ ਰਹੀ ਹੈ। ਦੋਵੇਂ ਭਰਾ ਅੰਮ੍ਰਿਤਸਰ ਦਿਹਾਤੀ ਦੇ ਪਿੰਡਾਂ ਦੇ ਵਸਨੀਕ ਦੱਸੇ ਜਾ ਰਹੇ ਹਨ।