ਪਿੰਡ ਗੋਸਲ ਤੇ ਨਾਨੋਹਾਰਨੀ 'ਚ ਵੋਟ ਪਾਉਣ ਉਪਰੰਤ ਬਰਾਤ ਲਈ ਰਵਾਨਾ ਹੋਏ ਲਾੜੇ

ਕਲਾਨੌਰ/ਵਡਾਲਾ ਬਾਂਗਰ (ਗੁਰਦਾਸਪੁਰ), 20 ਨਵੰਬਰ (ਪੁਰੇਵਾਲ, ਕਾਹਲੋਂ, ਭੁੰਬਲੀ, ਚੀਮਾ)-ਵਿਧਾਨ ਸਭਾ ਹਲਕਾ ਡੇਰਾ ਬਾਬਾ ਨਾਨਕ 'ਚ ਹੋ ਰਹੀ ਜ਼ਿਮਨੀ ਚੋਣ ਦੌਰਾਨ ਵੋਟਰਾਂ ਵਿਚ ਵੋਟਾਂ ਪਾਉਣ ਨੂੰ ਲੈ ਕੇ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ। ਇਸ ਦੌਰਾਨ ਬਲਾਕ ਕਲਾਨੌਰ ਦੇ ਦੋ ਵੱਖ-ਵੱਖ ਪਿੰਡਾਂ ਗੋਸਲ ਅਤੇ ਨਾਨੋਹਾਰਨੀ ਵਿਖੇ ਵੋਟਾਂ ਪਾਉਣ ਤੋਂ ਬਾਅਦ ਲਾੜੇ ਬਰਾਤ ਲਈ ਰਵਾਨਾ ਹੋਏ। ਭਾਵੇਂ ਸਵੇਰ ਸਮੇਂ ਇਸ ਖੇਤਰ 'ਚ ਵੋਟ ਪੋਲਿੰਗ ਫੀਸਦੀ ਘੱਟ ਰਹੀ ਸੀ ਜਦਕਿ ਇਸ ਸਮੇਂ ਪਿੰਡਾਂ ਦੇ ਆਮ ਵੋਟਰ ਵੀ ਹੁਣ ਵੋਟਾਂ ਪਾਉਣ ਲਈ ਘਰਾਂ ਵਿਚੋਂ ਨਿਕਲਦੇ ਵਿਖਾਈ ਦੇ ਰਹੇ ਹਨ।