ਪੋਲਿੰਗ ਬੂਥਾਂ ਅੰਦਰ ਮੋਬਾਇਲ ਫੋਨ ਦੀ ਮਨਾਈ ਕਾਰਨ ਪਰੇਸ਼ਾਨ ਹੋ ਰਹੇ ਹਨ ਵੋਟਰ

ਕਲਾਨੌਰ (ਗੁਰਦਾਸਪੁਰ), 20 ਨਵੰਬਰ (ਪੁਰੇਵਾਲ, ਕਾਹਲੋਂ)- ਵਿਧਾਨ ਸਭਾ ਹਲਕਾ ਡੇਰਾ ਬਾਬਾ ਨਾਨਕ ’ਚ ਹੋ ਰਹੀ ਜਿਮਨੀ ਚੋਣ ਦੀਆਂ ਅੱਜ ਪੈ ਰਹੀਆਂ ਵੋਟਾਂ ਦੌਰਾਨ ਆਪਣੀ ਵੋਟ ਦੇ ਅਧਿਕਾਰ ਦਾ ਇਸਤੇਮਾਲ ਕਰਨ ਲਈ ਵੱਖ-ਵੱਖ ਪੋਲਿੰਗ ਬੂਥਾਂ ’ਤੇ ਪਹੁੰਚ ਰਹੇ ਵੋਟਰਾਂ ਨੂੰ ਮੋਬਾਈਲ ਫੋਨ ਦੀ ਪੋਲਿੰਗ ਬੂਥਾਂ ਅੰਦਰ ਮਨਾਹੀ ਹੋਣ ਕਾਰਨ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਦੌਰਾਨ ਬਜ਼ੁਰਗ ਵੋਟਰਾਂ ’ਚ ਨਿਰਾਸ਼ਾ ਵੇਖਣ ਨੂੰ ਮਿਲੀ ਅਤੇ ਕੁਝ ਪਰੇਸ਼ਾਨ ਵੋਟਰ ਵੋਟ ਪਾਉਣ ਤੋਂ ਬਿਨਾਂ ਹੀ ਬਰੰਗ ਘਰਾਂ ਨੂੰ ਪਰਤਦੇ ਵੇਖੇ ਗਏ। ਇਸ ਦੌਰਾਨ ਪੋਲਿੰਗ ਬੂਥਾਂ ਦੇ ਬਾਹਰ ਸੁਰੱਖਿਆ ਲਈ ਤਾਇਨਾਤ ਕਰਮਚਾਰੀਆਂ ਨਾਲ ਵੋਟਰਾਂ ਦੀ ਬਹਿਸ ਹੁੰਦੀ ਵੇਖੀ ਗਈ।