ਝਾਰਖੰਡ ਵਿਧਾਨ ਸਭਾ ਚੋਣਾਂ ਦੇ ਆਖਰੀ ਪੜਾਅ ਵਿਚ ਭਲਕੇ ਪੈਣਗੀਆਂ ਵੋਟਾਂ

ਰਾਂਚੀ, 19 ਨਵੰਬਰ- ਝਾਰਖੰਡ ਵਿਧਾਨ ਸਭਾ ਚੋਣਾਂ ਦੇ ਆਖਰੀ ਅਤੇ ਦੂਜੇ ਪੜਾਅ ’ਚ 12 ਜ਼ਿਲ੍ਹਿਆਂ ਦੀਆਂ 38 ਸੀਟਾਂ ’ਤੇ ਭਲਕੇ 20 ਨਵੰਬਰ ਨੂੰ ਵੋਟਿੰਗ ਹੋਵੇਗੀ। ਇਸ ਵਿਚ 1.23 ਕਰੋੜ ਵੋਟਰ ਸ਼ਾਮਿਲ ਹੋਣਗੇ। ਦੂਜੇ ਪੜਾਅ ਦੀਆਂ 38 ਸੀਟਾਂ ਵਿਚੋਂ 18 ਸੀਟਾਂ ਸੰਥਾਲ, 18 ਸੀਟਾਂ ਉੱਤਰੀ ਛੋਟਾਨਾਗਪੁਰ ਅਤੇ ਦੋ ਸੀਟਾਂ ਰਾਂਚੀ ਜ਼ਿਲ੍ਹੇ ਦੀਆਂ ਹਨ। ਚੋਣ ਕਮਿਸ਼ਨ ਅਨੁਸਾਰ ਦੂਜੇ ਪੜਾਅ ’ਚ 528 ਉਮੀਦਵਾਰ ਮੈਦਾਨ ’ਚ ਹਨ। ਇਨ੍ਹਾਂ ਵਿਚੋਂ 55 ਮਹਿਲਾ ਉਮੀਦਵਾਰ ਹਨ। ਇਸ ਪੜਾਅ ਵਿਚ ਮੁੱਖ ਮੰਤਰੀ ਹੇਮੰਤ ਸੋਰੇਨ, ਉਨ੍ਹਾਂ ਦੀ ਪਤਨੀ ਕਲਪਨਾ ਸੋਰੇਨ, ਸਾਬਕਾ ਮੁੱਖ ਮੰਤਰੀ ਬਾਬੂਲਾਲ ਮਰਾਂਡੀ ਅਤੇ ਵਿਰੋਧੀ ਧਿਰ ਦੇ ਨੇਤਾ ਅਮਰ ਬੌਰੀ ਚੋਣ ਲੜ ਰਹੇ ਹਨ। ਨਤੀਜੇ 23 ਨਵੰਬਰ ਨੂੰ ਆਉਣਗੇ।