ਭਾਰਤ ਬਨਾਮ ਨਿਊਜ਼ੀਲੈਂਡ ਤੀਜਾ ਟੈਸਟ: ਨਿਊਜ਼ੀਲੈਂਡ ਦੀ ਟੀਮ 235 ਦੌੜਾਂ ’ਤੇ ਆਲ ਆਊਟ

ਮਹਾਰਾਸ਼ਟਰ, 1 ਨਵੰਬਰ- ਭਾਰਤ ਖ਼ਿਲਾਫ਼ ਤੀਜੇ ਟੈਸਟ ਦੀ ਪਹਿਲੀ ਪਾਰੀ ’ਚ ਨਿਊਜ਼ੀਲੈਂਡ ਦੀ ਟੀਮ 235 ਦੌੜਾਂ ’ਤੇ ਆਲ ਆਊਟ ਹੋ ਗਈ। ਅੱਜ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ ’ਚ ਨਿਊਜ਼ੀਲੈਂਡ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਕੀਵੀ ਟੀਮ ਲਈ ਡੇਰਿਲ ਮਿਸ਼ੇਲ ਅਤੇ ਵਿਲ ਯੰਗ ਨੇ ਅਰਧ ਸੈਂਕੜੇ ਲਗਾਏ। ਮਿਸ਼ੇਲ ਨੇ 129 ਗੇਂਦਾਂ ’ਤੇ 82 ਅਤੇ ਯੰਗ ਨੇ 138 ਗੇਂਦਾਂ ’ਤੇ 71 ਦੌੜਾਂ ਬਣਾਈਆਂ। ਭਾਰਤ ਲਈ ਰਵਿੰਦਰ ਜਡੇਜਾ ਨੇ 5 ਅਤੇ ਵਾਸ਼ਿੰਗਟਨ ਸੁੰਦਰ ਨੇ 4 ਵਿਕਟਾਂ ਲਈਆਂ। ਆਕਾਸ਼ ਦੀਪ ਨੂੰ ਇਕ ਵਿਕਟ ਮਿਲੀ।