ਗਿਰਧਾਰੀ ਲਾਲ ਨੇ ਨਾਇਬ ਤਹਿਸੀਲਦਾਰ ਬੁਢਲਾਡਾ ਵਜੋਂ ਅਹੁਦਾ ਸੰਭਾਲਿਆ <br/>

ਬੁਢਲਾਡਾ, 15 ਜੂਨ (ਸਵਰਨ ਸਿੰਘ ਰਾਹੀ)- ਤਹਿਸੀਲ ਬੁਢਲਾਡਾ ਦੇ ਨਵੇਂ ਆਏ ਨਾਇਬ ਤਹਿਸੀਲਦਾਰ ਗਿਰਧਾਰੀ ਲਾਲ ਨੇ ਆਪਣਾ ਅਹੁਦਾ ਸੰਭਾਲ ਲਿਆ ਹੈ ਜਦਕਿ ਇਸ ਤੋਂ ਪਹਿਲਾਂ ਇੱਥੇ ਬਤੌਰ ਨਾਇਬ ਤਹਿਸੀਲਦਾਰ ਸੇਵਾਵਾਂ ਨਿਭਾ ਰਹੇ ਅੰਕੁਸ਼ ਕੁਮਾਰ ਇੱਥੋਂ ਬਦਲ ਕੇ ਜਲੰਧਰ ਚਲੇ ਗਏ ਹਨ | ਨਵੇਂ ਅਧਿਕਾਰੀ ਦਾ ਇੱਥੇ ਪੁੱਜਣ 'ਤੇ ਰੀਡਰ ਚਤਰ ਸਿੰਘ, ਪਟਵਾਰ ਯੂਨੀਅਨ ਦੇ ਤਹਿਸੀਲ ਪ੍ਰਧਾਨ ਗੁਰਕੀਰਤ ਸਿੰਘ, ਜੈਪਾਲ ਸਿੰਘ ਕਾਨੂੰਗੋ, ਮਨਦੀਪ ਸਿੰਘ ਕਾਨੂੰਗੋ, ਹਰੀਸ਼ ਕੁਮਾਰ ਪਟਵਾਰੀ, ਸੁਖਵਿੰਦਰ ਸਿੰਘ ਪਟਵਾਰੀ, ਧਰਮਜੀਤ ਸਿੰਘ ਰਿਟਾਇਰਡ ਪਟਵਾਰੀ ਸਮੇਤ ਤਹਿਸੀਲ ਸਟਾਫ਼ ਨੇ ਭਰਵਾਂ ਸਵਾਗਤ ਕੀਤਾ | ਇਸ ਮੌਕੇ ਉਨ੍ਹਾਂ ਸਮੂਹ ਸਟਾਫ਼ ਨੂੰ ਤਹਿਸੀਲ ਅੰਦਰ ਆਏ ਹਰ ਫ਼ਰਿਆਦੀ ਦੀ ਗੱਲਬਾਤ ਸੁਣ ਕੇ ਉਸ ਦੇ ਹੱਲ ਕਰਨ ਨੂੰ ਤਰਜੀ ਦੇਣ ਲਈ ਆਖਿਆ |