ਮਾਨਸਾ, 22 ਮਈ (ਬਲਵਿੰਦਰ ਸਿੰਘ ਧਾਲੀਵਾਲ)- ਨਗਰ ਕੌਂਸਲ ਮਾਨਸਾ ਦੇ ਅÏਰਤਾਂ ਲਈ ਰਾਖਵੇਂ ਨੰਬਰ 3 'ਚ ਚੋਣ ਸਰਗਰਮੀਆਂ ਸਿਖਰ 'ਤੇ ਹਨ | ਉਮੀਦਵਾਰਾਂ ਵਲੋਂ ਘਰ-ਘਰ ਜਾ ਕੇ ਵੋਟਾਂ ਮੰਗੀਆਂ ਜਾ ਰਹੀਆਂ ਹਨ ਜਦਕਿ ਰਾਜਸੀ ਧਿਰਾਂ ਦੇ ਆਗੂ ਉਨ੍ਹਾਂ ਦੇ ਹੱਕ 'ਚ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕਰ ਕੇ ਵੱਡੇ-ਵੱਡੇ ਵਾਅਦੇ ਕਰ ਰਹੇ ਹਨ | ਵਾਰਡ ਦੀਆਂ ਕੁੱਲ 1629 ਵੋਟਾਂ ਹਨ, ਜਿਨ੍ਹਾਂ 'ਚ 852 ਮਰਦ ਅਤੇ 777 ਅÏਰਤ ਵੋਟਰ ਹਨ | ਵੋਟਾਂ ਦੇ ਭੁਗਤਾਨ ਲਈ 2 ਬੂਥ ਬਣਾਏ ਗਏ ਹਨ | ਦੱਸ ਦੇਈਏ ਕਿ ਇਸ ਵਾਰਡ 'ਚੋਂ ਆਮ ਆਦਮੀ ਪਾਰਟੀ ਨੇ ਇਸਤਰੀ ਵਿੰਗ ਦੀ ਜ਼ਿਲ੍ਹਾ ਪ੍ਰਧਾਨ ਸ਼ਰਨਜੀਤ ਕੌਰ ਰਾਮਗੜ੍ਹੀਆ ਨੂੰ ਚੋਣ ਮੈਦਾਨ 'ਚ ਉਤਾਰਿਆ ਹੈ | ਉਨ੍ਹਾਂ ਦੀ ਸਫਲਤਾ ਲਈ ਹਲਕਾ ਵਿਧਾਇਕ ਡਾ. ਵਿਜੇ ਸਿੰਗਲਾ ਤੇ ਪਾਰਟੀ ਦੇ ਜ਼ਿਲ੍ਹਾ ਪ੍ਰਧਾਨ ਗੁਰਪ੍ਰੀਤ ਸਿੰਘ ਭੁੱਚਰ ਸਰਗਰਮ ਹਨ | ਸ਼ੋ੍ਰਮਣੀ ਅਕਾਲੀ ਦਲ ਵਲੋਂ ਗੁਰਜੀਤ ਕੌਰ ਫਫੜੇ ਭਾਈਕੇ ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ | ਟਕਸਾਲੀ ਪਰਿਵਾਰ ਨਾਲ ਸੰਬੰਧਿਤ ਇਸ ਉਮੀਦਵਾਰ ਨੂੰ ਜਿਤਾਉਣ ਲਈ ਹਲਕਾ ਇੰਚਾਰਜ ਪ੍ਰੇਮ ਕੁਮਾਰ ਅਰੋੜਾ ਤੇ ਹੋਰ ਆਗੂ ਦਿਨ-ਰਾਤ ਇੱਕ ਕਰ ਰਹੇ ਹਨ | ਕਾਂਗਰਸ ਪਾਰਟੀ ਮਨਜੀਤ ਕੌਰ ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ, ਨੂੰ ਜਿਤਾਉਣ ਲਈ ਪਾਰਟੀ ਆਗੂ ਜਲਸਿਆਂ ਨੂੰ ਸੰਬੋਧਨ ਕਰ ਰਹੇ ਹਨ | ਭਾਰਤੀ ਜਨਤਾ ਪਾਰਟੀ ਵਲੋਂ ਰਿੰਪਲ ਰਾਣੀ ਚੋਣ ਮੈਦਾਨ 'ਚ ਹਨ, ਨੇ ਵੀ ਚੋਣ ਮੁਹਿੰਮ ਭਖਾਈ ਹੋਈ ਹੈ | ਉਨ੍ਹਾਂ ਦੇ ਸਮਰਥਕ ਵੀ ਸਰਗਰਮ ਹਨ | ਪਰਮਜੀਤ ਕੌਰ ਆਜ਼ਾਦ ਉਮੀਦਵਾਰ ਵਜੋਂ ਕਿਸਮਤ ਅਜ਼ਮਾ ਰਹੇ ਹਨ | ਸਾਰੇ ਉਮੀਦਵਾਰ ਜਿੱਤ ਲਈ ਆਸਵੰਦ ਹਨ, ਵਲੋਂ ਕੌਂਸਲਰ ਬਣਨ ਲਈ ਹਰ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ |
