ਜਲੰਧਰ

2 ਸਤੰਬਰ ਨੂੰ ਲੱਗੇਗੀ ਡਾਕ ਅਦਾਲਤ

ਅ

ਅਜੀਤ ਡੈਸਕ 01-09-2026

ਜਲੰਧਰ, 31 ਅਗਸਤ (ਸ਼ਿਵ)- ਡਾਕ ਵਿਭਾਗ ਜਲੰਧਰ ਵਲੋਂ ਲੰਬੇ ਸਮੇਂ ਤੋਂ ਪੈਂਡਿੰਗ ਡਾਕ ਸਬੰਧੀ ਸ਼ਿਕਾਇਤਾਂ ਦੇ ਨਿਪਟਾਰੇ ਲਈ 2 ਸਤੰਬਰ ਨੂੰ ਸਵੇਰੇ 11 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ ਸੁਪਰਡੈਂਟ ਪੋਸਟ ਆਫਿਸ, ਜਲੰਧਰ ਵਿਖੇ ਡਾਕ ਅਦਾਲਤ ਲਗਾਈ ਜਾ ਰਹੀ ਹੈ। ਵਿਭਾਗ ਵੱਲੋਂ ਇਸ ਡਾਕ ਅਦਾਲਤ ਦੌਰਾਨ ਲੰਬੇ ਸਮੇਂ ਤੋਂ ਲੰਬਿਤ ਸ਼ਿਕਾਇਤਾਂ ’ਤੇ ਵਿਸ਼ੇਸ਼ ਧਿਆਨ ਦਿੰਦਿਆਂ ਉਨ੍ਹਾਂ ਦੇ ਨਿਪਟਾਰੇ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਸ਼ਿਕਾਇਤਕਰਤਾ ਆਪਣੀ ਪੁਰਾਣੀ ਸ਼ਿਕਾਇਤ ਦੇ ਵੇਰਵੇ ਅਤੇ ਆਪਣਾ ਫੋਨ ਨੰਬਰ ਦਰਜ ਕਰਕੇ ਸ਼ਿਕਾਇਤ ਸਪੀਡ ਪੋਸਟ ਰਾਹੀਂ ਸੁਪਰਡੈਂਟ ਪੋਸਟ ਆਫਿਸ, ਜਲੰਧਰ-144001 ਦੇ ਨਾਮ ’ਤੇ ਭੇਜ ਸਕਦੇ ਹਨ। ਇਹ ਸ਼ਿਕਾਇਤ 1 ਸਤੰਬਰ 2026 ਤੱਕ ਦਫ਼ਤਰ ਵਿੱਚ ਪਹੁੰਚਣੀ ਲਾਜ਼ਮੀ ਹੈ। ਡਾਕ ਵਿਭਾਗ ਨੇ ਸਾਰੇ ਸ਼ਿਕਾਇਤਕਰਤਾਵਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ 2 ਸਤੰਬਰ ਨੂੰ ਨਿਰਧਾਰਤ ਸਮੇਂ ’ਤੇ ਡਾਕ ਅਦਾਲਤ ਵਿੱਚ ਸ਼ਾਮਲ ਹੋਣ। ਇਸ ਤੋਂ ਇਲਾਵਾ ਆਨਲਾਈਨ ਸ਼ਮੂਲੀਅਤ ਲਈ ਵਿਭਾਗ ਵੱਲੋਂ ਦਿੱਤੇ ਲਿੰਕ ਰਾਹੀਂ ਵੀ ਹਾਜ਼ਰੀ ਭਰੀ ਜਾ ਸਕਦੀ ਹੈ।

ਪਿਛਲੀ ਖ਼ਬਰ ਪ੍ਰਧਾਨ ਮੰਤਰੀ ਵਲੋਂ ਬਿਸ਼ਕੇਕ ’ਚ ਈਰਾਨ ਦੇ ਰਾਸ਼ਟਰਪਤੀ ਨਾਲ ਮੁਲਾਕਾਤ ਅਗਲੀ ਖ਼ਬਰ ਤਰਕਸ਼ੀਲ ਸੁਸਾਇਟੀ ਵਲੋਂ ਪਾਸ਼ - ਹੰਸ ਰਾਜ ਦੀ ਯਾਦਗਾਰ ਤੋਂ ਨਾਜਾਇਜ਼ ਕਬਜ਼ਾ ਹਟਾਉਣ ਦੀ ਮੰਗ