ਜਲੰਧਰ, 29 ਮਾਰਚ (ਡਾ. ਜਤਿੰਦਰ ਸਾਬੀ)-ਸਰਕਾਰੀ ਆਰਟਸ ਐਂਡ ਸਪੋਰਟਸ ਕਾਲਜ ਜਲੰਧਰ ਵਿਖੇ ਹੈਲਥ, ਫਿਟਨੈਸ, ਫਿਜੀਕਲ ਐਕਟੀਵਿਟੀ, ਨੈਵੀਗੇਸ਼ਨ ਕੰਪਲਸਰੀ ਇਸ਼ੂ ਤੇ ਚੈਲਿੰਜ ਵਿਸ਼ੇ 'ਤੇ ਇਕ ਵਿਸ਼ੇਸ਼ ਸੈਮੀਨਾਰ ਇੰਡੀਅਨ ਕੌਂਸਿਲ ਆਫ ਸ਼ੋਸ਼ਲ ਸਾਈਸਿੰਜ ਐਂਡ ਰਿਸਰਸਚ ਨਾਰਥ ਵੈਸਟ ਰਿਜੀਨਲ ਸੈਂਟਰ ਚੰਡੀਗੜ੍ਹ ਦੇ ਸਹਿਯੋਗ ਨਾਲ 30 ਮਾਰਚ ਨੂੰ ਕਰਵਾਇਆ ਜਾ ਰਿਹਾ ਹੈ | ਇਹ ਜਾਣਕਾਰੀ ਦਿੰਦੇ ਹੋਏ ਸਪੋਰਟਸ ਕਾਲਜ ਜਲੰਧਰ ਦੇ ਪਿ੍ੰਸੀਪਲ ਡਾ. ਰਣਬੀਰ ਸਿੰਘ ਨੇ ਦੱਸਿਆ ਕਿ ਇਸ ਸੈਮੀਨਾਰ ਦਾ ਉਦਘਾਟਨ ਮਹਾਰਾਜ ਭੁਪਿੰਦਰ ਸਿੰਘ ਸਪੋਰਟਸ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਪੁਸ਼ਪਿੰਦਰ ਸਿੰਘ ਗਿੱਲ ਕਰਨਗੇ | ਸੈਮੀਨਾਰ 'ਚ ਕਰਨਲ ਪਰਮਿੰਦਰ ਸਿੰਘ ਰਜਿਸਟਰਾਰ ਸਪੋਰਟਸ ਯੂਨੀਵਰਸਿਟੀ ਪੈਟਰਨ ਹੋਣਗੇ, ਡਾ. ਜੀ. ਐਲ. ਖੰਨਾ, ਡਾ. ਗੁਰਮੀਤ ਸਿੰਘ, ਸਪੈਸ਼ਲ ਵਕਤਾ ਹੋਣਗੇ | ਡਾ. ਰਣਬੀਰ ਸਿੰਘ ਚੀਫ ਕੋਆਰਡੀਨੇਟਰ, ਡਾ. ਮਨਦੀਪ ਸਿੰਘ ਕਨਵੀਨਰ, ਡਾ. ਕੋਮਲ ਜੈਨ ਕੋ-ਕਨਵੀਨਰ ਹੋਣਗੇ ਤੇ ਪ੍ਰਬੰਧਕੀ ਕਮੇਟੀ 'ਚ ਡਾ. ਅਮਨਦੀਪ ਕੌਰ, ਡਾ. ਚਾਰੂ ਸ਼ਰਮਾ, ਕਵਲ ਕੁਮਾਰ, ਅਮਨਤੀ ਕੌਰ ਭਾਟੀਆ ਤੇ ਡਾ. ਗੁਰਵਿੰਦਰ ਕੌਰ ਨੂੰ ਸ਼ਾਮਿਲ ਕੀਤਾ ਗਿਆ ਹੈ |
