ਰੇਡ ਕਰਨ ਗਈ ਸਪੈਸ਼ਲ ਸੈੱਲ ਦੀ ਪੁਲਿਸ 'ਤੇ ਚੱਲੇ ਇੱਟਾਂ-ਰੋੜੇ, ਦੋ ਮੁਲਾਜ਼ਮ ਜ਼ਖ਼ਮੀ
ਅਜੀਤ ਡੈਸਕ
23-01-2026
ਕਾਲੂ ਪੁੱਤਰ ਬਖਸ਼ੀ ਰਾਮ ਵਾਸੀ ਧੰਨੋਵਾਲੀ ਜਲੰਧਰ ਅਤੇ ਪ੍ਰਭਜੀਤ ਸਿੰਘ ਪ੍ਰਭੂ ਪੁੱਤਰ ਬੁੱਧ ਸਿੰਘ ਵਾਸੀ ਲੱਧੇਵਾਲੀ ਨੂੰ ਕਾਬੂ ਕਰਕੇ ਲਿਜਾਣ ਲੱਗੀ ਸੀ ਤਾਂ ਇਸ ਦੌਰਾਨ ਆਲਟੋ ਕਾਰ ਅਤੇ ਮੋਟਰਸਾਈਕਲਾਂ 'ਤੇ ਆਏ ਕੁਝ ਵਿਅਕਤੀਆਂ ਵਲੋਂ ਆਪਣੀ ਗੱਡੀ ਨੂੰ ਪੁਲਿਸ ਦੀ ਗੱਡੇ ਦੀ ਸਾਹਮਣੇ ਲਾ ਕੇ ਪੁਲਿਸ ਦੀ ਗੱਡੀ ਨੂੰ ਰੋਕ ਦਿੱਤਾ ਗਿਆ ਤੇ ਕੁਝ ਵਿਅਕਤੀਆਂ ਵਲੋਂ ਪੁਲਿਸ ਦੀ ਗੱਡੀ ਦੇ ਸ਼ੀਸ਼ੇ ਆਦਿ ਵੀ ਤੋੜ ਦਿੱਤੇ ਗਏ ਸਨ | ਇਸ ਦੌਰਾਨ ਪੁਲਿਸ ਦੇ ਹੋਰ ਮੁਲਾਜ਼ਮ ਵੀ ਮੌਕੇ 'ਤੇ ਪਹੁੰਚ ਗਏ | ਇਹ ਵੀ ਜਾਣਕਾਰੀ ਮਿਲੀ ਹੈ ਕਿ ਪੁਲਿਸ ਮੁਲਾਜ਼ਮਾਂ 'ਤੇ ਕੀਤੇ ਗਏ ਹਮਲੇ ਦੌਰਾਨ ਤਿੰਨੇ ਹੀ ਦੋਸ਼ੀ ਮੌਕੇ ਤੋਂ ਫ਼ਰਾਰ ਹੋ ਗਏ ਸਨ ਪ੍ਰੰਤੂ ਪੁਲਿਸ ਵਲੋਂ ਦੇਸੀ ਕੱਟੇ ਨੂੰ ਆਪਣੇ ਕਬਜ਼ੇ 'ਚ ਲੈ ਕੇ ਹਮਲਾ ਕਰਨ ਕਰਨ ਆਏ ਕਾਰ ਸਵਾਰ ਵਿਅਕਤੀ ਬਖਸ਼ੀ ਰਾਮ ਪੁੱਤਰ ਭਾਗ ਰਾਮ, ਆਕਾਸ਼ ਪੁੱਤਰ ਬਖਸ਼ੀ ਰਾਮ ਵਾਸੀ ਧਨੋਵਾਲੀ ਨੂੰ ਕਾਰ ਸਮੇਤ ਕਾਬੂ ਕਰ ਲਿਆ | ਪੁਲਿਸ ਵਲੋਂ ਬਾਕੀ ਦੋਸ਼ੀਆਂ ਰਾਹੁਲ ਪੁੱਤਰ ਬਖਸ਼ੀ ਰਾਮ ਵਾਸੀ ਧੰਨੋਵਾਲੀ, ਪ੍ਰੀਤੀ ਵਾਸੀ ਧੰਨੋਵਾਲੀ, ਕਮਲੇਸ਼ ਰਾਣੀ ਵਾਸੀ ਧੰਨੋਵਾਲੀ ਅਤੇ ਵਰਸ਼ਾ ਪਤਨੀ ਰਾਜਨ ਰਾਜਾ ਵਾਸੀ ਆਦਮਪੁਰ ਜਲੰਧਰ ਸਮੇਤ ਅਣਪਛਾਤੇ ਵਿਅਕਤੀਆਂ ਦੇ ਖ਼ਿਲਾਫ਼ ਵੱਖ ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ | ਪੁਲਿਸ ਵਲੋਂ ਫ਼ਰਾਰ ਹੋਏ ਹਮਲਾਵਰਾਂ ਦੀ ਭਾਲ ਲਈ ਵੱਖ ਵੱਖ ਥਾਵਾਂ 'ਤੇ ਛਾਪਾਮਾਰੀ ਕੀਤੀ ਜਾ ਰਹੀ ਹੈ |
