9/11 ਹਮਲਿਆਂ ਦੀ 25 ਵੀਂ ਬਰਸੀ ਮੌਕੇ ਪੀਸ ਆਰਚ ਪਾਰਕ ਵਿਚ ਹੋਵੇਗਾ ਯਾਦਗਾਰੀ ਸਮਾਗਮ

ਅ

ਅਜੀਤ ਡੈਸਕ 02-09-2026

ਵੈਨਕੂਵਰ, 1 ਸਤੰਬਰ (ਮਲਕੀਤ ਸਿੰਘ)-ਅਮਰੀਕਾ ਵਿਚ 11 ਸਤੰਬਰ 2001 ਨੂੰ ਹੋਏ ਅੱਤਵਾਦੀ ਹਮਲਿਆਂ ਦੀ 25ਵੀਂ ਬਰਸੀ ਮੌਕੇ ਇਸ ਸਾਲ ਸਾਊਥ ਸਰੀ ਨੇੜਲੀ ਅਮਰੀਕੀ ਸਰਹੱਦ ਨੇੜੇ ਸਥਿਤ ਪੀਸ ਆਰਚ ਪਾਰਕ ਵਿਚ ਯਾਦਗਾਰੀ ਸਮਾਗਮ ਕਰਵਾਇਆ ਜਾਵੇਗਾ। ਇਹ ਸਮਾਗਮ 11 ਸਤੰਬਰ ਨੂੰ ਹੋਵੇਗਾ ਅਤੇ ਹਮਲਿਆਂ ਵਿੱਚ ਜਾਨਾਂ ਗੁਆਉਣ ਵਾਲੇ ਲੋਕਾਂ ਨੂੰ ਯਾਦ ਨੂੰ ਸਮਰਪਿਤ ਸ਼ਰਧਾਂਜਲੀ ਸਮਾਗਮ ਆਯੋਜਿਤ ਕੀਤਾ ਜਾਵੇਗਾ। ਜ਼ਿਕਰਯੋਗ ਹੈ ਕਿ 11 ਸਤੰਬਰ 2001 ਦੀ ਘਟਨਾ ਨੂੰ ਇਸ ਸਾਲ ਪੂਰੇ 25 ਸਾਲ ਹੋ ਰਹੇ ਹਨ।ਪੀਸ ਆਰਚ ਪਾਰਕ ਆਪਣੇ ਆਪ ਵਿਚ ਕੈਨੇਡਾ ਅਤੇ ਅਮਰੀਕਾ ਵਿਚਕਾਰ ਸ਼ਾਂਤੀ ਅਤੇ ਦੋਸਤੀ ਦਾ ਪ੍ਰਤੀਕ ਹੈ। ਇਸ ਯਾਦਗਾਰੀ ਥਾਂ ’ਤੇ ਕੈਨੇਡਾ ਅਤੇ ਅਮਰੀਕਾ ਦੋਵਾਂ ਦੇ ਝੰਡੇ ਲਹਿਰਾਉਂਦੇ ਹਨ। 25ਵੀਂ ਬਰਸੀ ਦਾ ਸਮਾਗਮ ਇਸ ਲਈ ਵੀ ਵਿਸ਼ੇਸ਼ ਮਹੱਤਵ ਰੱਖਦਾ ਹੈ ਕਿਉਂਕਿ ਇਹ ਦੋਵਾਂ ਦੇਸ਼ਾਂ ਦੀ ਸਰਹੱਦ ਉੱਤੇ ਸਥਿਤ ਸ਼ਾਂਤੀ ਦੇ ਪ੍ਰਤੀਕ ਕੋਲ ਹੋ ਰਿਹਾ ਹੈ।

ਪਿਛਲੀ ਖ਼ਬਰ ਸਾਬਕਾ ਬਰਤਾਨਵੀ ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ ਵਲੋਂ ਸੰਸਦ ਮੈਂਬਰ ਦਾ ਅਹੁਦਾ ਛੱਡਣ ਦਾ ਐਲਾਨ ਅਗਲੀ ਖ਼ਬਰ ਵੈਨਕੂਵਰ ਦੇ ਪਲਾਜ਼ਾ ਆਫ ਨੇਸ਼ਨਜ਼ ’ ਚ ਲੱਗੀ ਅੱਗ ਪਿੱਛੇ ਸਾਜਿਸ਼ ਦਾ ਸ਼ੱਕ ਹੋਣ ਮਗਰੋਂ ਜਾਂਚ ਸ਼ੁਰੂ