ਸਿਓਲ, 9 ਜੁਲਾਈ (ਏਜੰਸੀ)-ਦੱਖਣੀ ਕੋਰੀਆ ਦੀ ਸੁਪਰੀਮ ਕੋਰਟ ਨੇ ਸਾਬਕਾ ਰਾਸ਼ਟਰਪਤੀ ਯੂਨ ਸੁਕ ਯੋਲ ਦੀ ਸੱਤ ਸਾਲ ਦੀ ਜੇਲ੍ਹ ਦੀ ਸਜ਼ਾ ਨੂੰ ਬਰਕਰਾਰ ਰੱਖਿਆ ਹੈ। ਇਹ ਮਾਮਲਾ ਉਨ੍ਹਾਂ ਦੇ ਕਈ ਅਪਰਾਧਿਕ ਮਾਮਲਿਆਂ ’ਚੋਂ ਪਹਿਲਾ ਸੀ, ਜੋ ਦੇਸ਼ ਦੀ ਸਰਬਉਚ ਅਦਾਲਤ ਤੱਕ ਪਹੁੰਚਿਆ। ਇਹ ਮਾਮਲੇ 2024 ’ਚ ਉਨ੍ਹਾਂ ਦੁਆਰਾ ਕੁਝ ਸਮੇਂ ਲਈ ਮਾਰਸ਼ਲ ਲਾਅ ਲਾਗੂ ਕਰਨ ਨਾਲ ਜੁੜੇ ਸਨ। ਅਦਾਲਤ ਨੇ ਸਿਓਲ ਹਾਈ ਕੋਰਟ ਦੇ ਅਪ੍ਰੈਲ ਦੇ ਉਸ ਫੈਸਲੇ ਨੂੰ ਸਹੀ ਠਹਿਰਾਇਆ, ਜਿਸ ’ਚ ਯੂਨ ਨੂੰ ਇਨ੍ਹਾਂ ਮਾਮਲਿਆਂ ’ਚ ਦੋਸ਼ੀ ਪਾਇਆ ਗਿਆ ਸੀ।
