ਵਾਸ਼ਿੰਗਟਨ, 23 ਮਈ (ਇੰਟ.)-ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਹੁਕਮਾਂ 'ਤੇ ਪੈਂਟਾਗਨ ਨੇ ਉੱਡਣ ਤਸ਼ਤਰੀਆਂ ਤੇ ਧਰਤੀ ਤੋਂ ਬਾਹਰਲੇ ਜੀਵਾਂ ਨਾਲ ਸਬੰਧਤ 80 ਸਾਲ ਪੁਰਾਣੀਆਂ ਖੁਫੀਆ ਫਾਈਲਾਂ ਦਾ ਦੂਜਾ ਸੈੱਟ ਜਨਤਾ ਲਈ ਜਾਰੀ ਕੀਤਾ ਹੈ | ਅਮਰੀਕੀ ਰਾਸ਼ਟਰਪਤੀ ਟਰੰਪ ਦੇ ਹੁਕਮ ਤੋਂ ਬਾਅਦ ਜਾਰੀ ਕੀਤੀਆਂ ਗਈਆਂ ਫਾਈਲਾਂ ਦੇ ਦੂਜੇ ਸੈੱਟ ਵਿੱਚ ਅਸਮਾਨ 'ਚ ਉੱਡਦੇ ਰਹੱਸਮਈ ਗੋਲਿਆਂ ਤੇ ਉੱਡਣ ਤਸ਼ਤਰੀਆਂ ਦੇ ਕਈ ਹੈਰਾਨੀਜਨਕ ਆਡੀਓ ਤੇ ਵੀਡੀਓ ਜਾਰੀ ਕੀਤੇ ਗਏ | ਪੈਂਟਾਗਨ ਦੁਆਰਾ ਜਾਰੀ ਕੀਤੀਆਂ ਗਈਆਂ ਇਨ੍ਹਾਂ ਫਾਈਲਾਂ ਦੇ ਦੂਜੇ ਸੈੱਟ ਦਾ ਸਭ ਤੋਂ ਹੈਰਾਨ ਕਰਨ ਵਾਲਾ ਬਿਰਤਾਂਤ ਇਕ ਉੱਚ ਅਮਰੀਕੀ ਖੁਫੀਆ ਅਧਿਕਾਰੀ ਤੋਂ ਆਇਆ ਹੈ, ਜਿਸਨੇ ਪਿਛਲੇ ਸਾਲ ਹੀ ਅਸਮਾਨ 'ਚ ਅਣਗਿਣਤ ਸੰਤਰੀ ਗੋਲਿਆਂ ਨੂੰ ਘੁੰਮਦੇ ਤੇ ਤਿਕੋਣ ਬਣਾਉਂਦੇ ਦੇਖਿਆ ਸੀ |
