ਆਈਚੀ-ਨਾਗੋਆ, 20 ਸਤੰਬਰ (ਯੂ.ਐਨ.ਆਈ.)-36 ਸਾਲ ਦੀ ਉਮਰ ਵਿਚ ਜਦੋਂ ਬਹੁਤ ਸਾਰੇ ਖਿਡਾਰੀ ਆਪਣੇ ਰਿਟਾਇਰਮੈਂਟ ਬਾਰੇ ਸੋਚ ਰਹੇ ਹੁੰਦੇ ਹਨ ਤਾਂ ਇਸ ਦੌਰਾਨ ਰੋਹਤਕ (ਹਰਿਆਣਾ) ਦੀ ਸੁਚਿਕਾ ਤਰਿਆਲ ਮਿਸ਼ਰਤ ਮਾਰਸ਼ਲ ਆਰਟ (ਐਮ.ਐਮ.ਏ.) ਲਈ ਇਕ ਨਵਾਂ ਅਧਿਆਇ ਲਿਖ ਰਹੀ ਹੈ। ਸੁਚਿਕਾ ਨੇ ਏਸ਼ਿਆਈ ਖੇਡਾਂ ਦੇ ਕੁਆਰਟਰ ਫਾਈਨਲ ਵਿਚ ਮੰਗੋਲੀਆ ਦੀ ਅਲਤਾਨਚਿਮੇਗ ਬੈਗਲਮਾ ਨੂੰ 2-0 ਨਾਲ ਹਰਾ ਕੇ ਔਰਤਾਂ ਦੇ ‘ਟ੍ਰੈਡੀਸ਼ਨਲ ਐਮ.ਐਮ.ਏ.’ (60 ਕਿੱਲੋ ਵਰਗ) ਦੇ ਸੈਮੀਫਾਈਨਲ ਵਿਚ ਥਾਂ ਬਣਾਈ। ਇਸ ਦੇ ਨਾਲ ਹੀ ਇਤਿਹਾਸ ਰਚਦਿਆਂ ਐਮ.ਐਮ.ਏ. ’ਚ ਭਾਰਤ ਲਈ ਆਪਣਾ ਪਹਿਲਾ ਤਗਮਾ ਵੀ ਪੱਕਾ ਕਰ ਦਿੱਤਾ।
