ਪ੍ਰਗਨਾਨੰਧਾ, ਵੈਸ਼ਾਲੀ ਤੇ ਏਰੀਗੈਸੀ ਸ਼ਤਰੰਜ ਪਾਇਲਟ ਟੂਰਨਾਮੈਂਟ ’ਚ ਲੈਣਗੇ ਹਿੱਸਾ

ਬੁਡਾਪੇਸਟ (ਹੰਗਰੀ), 25 ਅਗਸਤ (ਪੀ. ਟੀ.

ਅ

ਅਜੀਤ ਡੈਸਕ 26-08-2026

ਬੁਡਾਪੇਸਟ (ਹੰਗਰੀ), 25 ਅਗਸਤ (ਪੀ.ਟੀ.ਆਈ.)-ਤਿੰਨ ਭਾਰਤੀ ਖਿਡਾਰੀ ਆਰ. ਪ੍ਰਗਨਾਨੰਧਾ, ਆਰ. ਵੈਸ਼ਾਲੀ ਤੇ ਅਰਜੁਨ ਏਰੀਗੈਸੀ ਨੂੰ 10 ਤੋਂ 21 ਨਵੰਬਰ ਤੱਕ ਇੱਥੇ ਹੋਣ ਵਾਲੇ ਪਹਿਲੇ ‘ਟੋਟਲ ਸ਼ਤਰੰਜ ਵਿਸ਼ਵ ਚੈਂਪੀਅਨਸ਼ਿਪ ਟੂਰ’ ਪਾਇਲਟ ਈਵੈਂਟ ਲਈ ਐਲਾਨੇ ਗਏ ਚੋਟੀ ਦੇ ਖਿਡਾਰੀਆਂ ਦੀ ਸੂਚੀ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਵਿਸ਼ਵ ਦੇ ਨੰਬਰ ਇਕ ਮੈਗਨਸ ਕਾਰਲਸਨ ਤੇ ਨੰਬਰ 2 ਫੈਬੀਆਨੋ ਕਾਰੂਆਨਾ ਵੀ ਇਸ ਮੁਕਾਬਲੇ ਵਿਚ ਹਿੱਸਾ ਲੈਣਗੇ। ਪ੍ਰਗਨਾਨੰਧਾ, ਜੋ ਕਿ ਨਾਰਵੇ ਸ਼ਤਰੰਜ ਖਿਤਾਬ ਤੇ ਸੇਂਟ ਲੁਈਸ ਰੈਪਿਡ ਅਤੇ ਬਲਿਟਜ਼ ਟੂਰਨਾਮੈਂਟ ਜਿੱਤਣ ਤੋਂ ਬਾਅਦ ਇਸ ਸਮੇਂ ਸ਼ਾਨਦਾਰ ਫਾਰਮ ਵਿਚ ਹੈ, ਹਾਲ ਹੀ ਵਿਚ ਗ੍ਰੈਂਡ ਸ਼ਤਰੰਜ ਟੂਰ ਦੇ ਸਮਾਪਤੀ ਪੜਾਅ ਦੇ ਫਾਈਨਲ ’ਚ ਪਹੁੰਚਿਆ ਹੈ। ਮੁਕਾਬਲੇ ’ਚ ਉਸਦੇ ਨਾਲ ਉਸਦੀ ਵੱਡੀ ਭੈਣ ਤੇ ਮਹਿਲਾ ਉਮੀਦਵਾਰ ਟੂਰਨਾਮੈਂਟ ਜੇਤੂ ਵੈਸ਼ਾਲੀ ਤੇ ਨਾਲ ਹੀ ਭਾਰਤ ਦੀ ਚੋਟੀ ਦੀ ਰੈਪਿਡ ਤੇ ਬਲਿਟਜ਼ ਖਿਡਾਰਨ, ਅਰਜੁਨ ਏਰੀਗੈਸੀ ਹੋਵੇਗੀ। ਹੁਣ ਤੱਕ, 18 ਖਿਡਾਰੀਆਂ ਦਾ ਨਾਮ ਲਿਆ ਗਿਆ ਹੈ। ਬਾਕੀ 6 ਖਿਡਾਰੀਆਂ ਦੇ ਨਾਵਾਂ ਦਾ ਐਲਾਨ ਅਗਲੇ ਮਹੀਨੇ ਕੀਤਾ ਜਾਵੇਗਾ, ਜਿਸ ਨਾਲ 24 ਖਿਡਾਰੀਆਂ ਦੀ ਸੂਚੀ ਪੂਰੀ ਹੋਵੇਗੀ। ਇਸ ਨਵੇਂ ਮੁਕਾਬਲੇ ’ਚ, ਖਿਡਾਰੀ ਬਲਿਟਜ਼, ਰੈਪਿਡ ਤੇ ਤੇਜ਼-ਰਫ਼ਤਾਰ ਕਲਾਸੀਕਲ ਫਾਰਮੈਟਾਂ ’ਚ ਮੁਕਾਬਲਾ ਕਰਨਗੇ, ਤਿੰਨੋਂ ਵਿਸ਼ਿਆਂ ਵਿਚ ਆਪਣੀ ਪ੍ਰਤਿਭਾ ਦੀ ਸਖ਼ਤੀ ਨਾਲ ਪਰਖ ਕਰਨਗੇ।

ਪਿਛਲੀ ਖ਼ਬਰ ਅਹਿਮਦਾਬਾਦ ਵਿਖੇ ਹੋਵੇਗੀ ਕਾਮਨਵੈਲਥ ਕਿਊ ਸਪੋਰਟਸ ਚੈਂਪੀਅਨਸ਼ਿਪ ਅਗਲੀ ਖ਼ਬਰ ਟ੍ਰੀਸਾ ਜੌਲੀ ਤੇ ਗਾਇਤਰੀ ਗੋਪੀਚੰਦ ਦੀ ਰੈਂਕਿੰਗ ’ਚ ਸੁਧਾਰ