ਜਲੰਧਰ, 14 ਜੁਲਾਈ (ਡਾ. ਜਤਿੰਦਰ ਸਾਬੀ)- ਪੰਜਾਬ ਤੇ ਜਲੰਧਰ ਲਈ ਬਡ਼ੀ ਖੁਸ਼ੀ ਵਾਲੀ ਖਬਰ ਹੈ, ਕਿ ਜਦੋਂ ਪੀ.ਆਈ.ਐਸ ਜਲੰਧਰ ਦੇ ਵਾਟਰ ਪੋਲੋ ਸੈਂਟਰ ਦੇ ਹੋਣਹਾਰ ਤੈਰਾਕ ਤੇ ਸਟਾਰ ਗੋਲਕੀਪਰ ਚੈਤੰਨਿਆ ਧਾਲੀਵਾਲ ਦੀ ਅੰਡਰ 20 ਸਾਲ ਵਰਗ ਦੇ ਵਿਚ ਭਾਰਤੀ ਵਾਟਰਪੋਲੋ ਟੀਮ ਲਈ ਚੋਣ ਹੋਈ ਹੈ। ਇਹ ਚੈਪੀਅਨਸ਼ਿਪ ਥਾਈਲੈਂਡ ਵਿਖੇ ਕਰਵਾਈ ਜਾਵੇਗੀ। ਤੈਰਾਕੀ ਕੋਚ ਉਮੇਸ਼ ਸ਼ਰਮਾ ਨੇ ਦੱਸਿਆ ਕਿ ਚੇਤੰਨਿਆ ਦੇ ਪਿਤਾ ਐਡਵੋਕੇਟ ਤਜਿੰਦਰ ਧਾਲੀਵਾਲ ਤੇ ਮਾਤਾ ਤੱਨਵੀ ਧਾਲੀਵਾਲ ਨੇ ਵੀ ਇਸ ਨੂੰ ਖੇਡਣ ਲਈ ਹਰ ਪ੍ਰਕਾਰ ਦਾ ਸਹਿਯੋਗ ਦਿੱਤਾ। ਇਸ ਮੌਕੇ ਪੰਜਾਬ ਤੈਰਾਕੀ ਐਸੋਸੀਏਸ਼ਨ ਦੇ ਸੀ.ਈ.ਓ. ਬਲਰਾਜ ਸ਼ਰਮਾਂ, ਪੰਜਾਬ ਤੈਰਾਕੀ ਐਸੋਸੀਏਸ਼ਨ ਦੇ ਪ੍ਰਧਾਨ ਸੁਰਜੀਤ ਸਿੰਘ ਸੰਧੂ, ਸ਼ੁਸ਼ੀਲ ਕੋਹਲੀ ਧਿਆਨ ਚੰਦ ਐਵਾਰਡੀ, ਡੀ.ਐਸ.ਓ ਜਲੰਧਰ ਗੁਰਪ੍ਰੀਤ ਸਿੰਘ ਬਾਜਵਾ ਨੇ ਵਿਸ਼ੇਸ਼ ਤੌਰ ਤੇ ਵਧਾਈ ਦਿੱਤੀ ਹੈ।
