ਜੌੜੇਪੁਲ ਜਰਗ, 29 ਮਾਰਚ (ਪਾਲਾ ਰਾਜੇਵਾਲੀਆ)- ਬੀਤੇ ਕੁੱਝ ਦਿਨ ਪਹਿਲਾਂ ਜਰਗ ਦੇ ਮੇਲਿਆਂ 'ਤੇ ਜਾਣ ਵਾਲੀ ਿਲੰਗ ਸੜਕ ਦੀ ਮੁਰੰਮਤ ਹੋ ਰਹੀ ਸੀ ਪਰ ਸਬੰਧਿਤ ਮਹਿਕਮੇ ਵਲੋਂ ਸੰਕੇਤਕ ਬੋਰਡ ਨਾਂਅ ਲਗਾਉਣ ਕਾਰਨ ਆਉਂਦੇ ਜਾਂਦੇ ਵਾਹਨਾਂ ਨੂੰ ਭਾਰੀ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪਿਆ ਅਤੇ ਰੋਜਾਨਾਂ ਅਜੀਤ 'ਚ ਮਹਿਕਮੇ ਦੀ ਅਣਗਹਿਲੀ ਬਾਰੇ ਖ਼ਬਰ ਵੀ ਛਪੀ | ਹੁਣ ਬੀਤੇ ਦਿਨੀਂ ਸਬੰਧਿਤ ਮਹਿਕਮੇ ਵਲੋਂ ਸੰਕੇਤਕ ਬੋਰਡ ਲਗਾਏ ਗਏ ਹਨ, ਜਿਸ ਦਾ ਪਤਵੰਤੇ ਲੋਕਾਂ ਨੇ ਸੁਆਗਤ ਵੀ ਕੀਤਾ ਹੈ | ਕਿਸਾਨ ਆਗੂ ਨੰਬਰਦਾਰ ਬੇਅੰਤ ਸਿੰਘ ਤੁਰਮਰੀ ਨੇ ਕਿਹਾ ਕਿ ਅਸੀਂ ਚੰਗੇ ਕਾਰਜ ਦੀ ਸ਼ਲਾਘਾ ਵੀ ਕਰਦੇ ਹਾਂ ਅਤੇ ਸਰਕਾਰ ਵਲੋਂ ਕੀਤੀਆਂ ਗਈਆਂ ਗਲਤ ਨੀਤੀਆਂ ਦਾ ਵਿਰੋਧ ਵੀ ਕਰਦੇ ਰਹਿੰਦੇ ਹਨ | ਉਨ੍ਹਾਂ ਕਿਹਾ ਕਿ ਸੰਕੇਤਕ ਬੋਰਡ ਲਗਾਉਣੇ ਚੰਗਾ ਕਾਰਜ ਹੈ ਅਤੇ ਸਬੰਧਿਤ ਮਹਿਕਮੇ ਦਾ ਫ਼ਰਜ਼ ਬਣਦਾ ਹੈ ਕਿ ਅੱਗੇ ਤੋਂ ਵੀ ਜਿੱਥੇ ਸੜਕ ਦਾ ਕੰਮ ਚੱਲਦਾ ਹੋਵੇ ਉਸ ਤੋਂ ਤਕਰੀਬਨ ਅੱਧਾ ਕਿੱਲੋਮੀਟਰ ਅੱਗੇ ਸੰਕੇਤਕ ਬੋਰਡ ਲਗਾਏ ਜਾਣ | ਉਨ੍ਹਾਂ ਕਿਹਾ ਕਿ ਜਰਗ ਦੇ ਚੌਥੇ ਮੇਲੇ 'ਤੇ ਜਾਣ ਵਾਲੇ ਇਲਾਕੇ ਦੇ ਅਨੇਕਾਂ ਲੋਕਾਂ ਨੂੰ ਹੁਣ ਪ੍ਰੇਸ਼ਾਨੀ ਨਹੀਂ ਹੋਵੇਗੀ |
