ਬੇਰੁਜ਼ਗਾਰਾਂ ਨੇ ਵਿੱਤ ਮੰਤਰੀ ਦੇ ਘਰ ਦਾ ਘਿਰਾਓ ਮੁਲਤਵੀ ਕਰਦਿਆਂ ਬਰਨਾਲਾ ਕੈਂਚੀਆਂ ਤੱਕ ਕੀਤਾ ਮਾਰਚ
ਸੰਗਰੂਰ, 8 ਅਗਸਤ (ਅਮਨਦੀਪ ਸਿੰਘ ਬਿੱਟਾ)–ਬੇਰੁਜਗਾਰ ਸਾਂਝਾ ਮੋਰਚੇ ਦੇ ਆਗੂ ਕਨਵੀਨਰ ਸੁਖਵਿੰਦਰ ਸਿੰਘ ਢਿੱਲਵਾ ਅਤੇ ਰਮਨ ਕੁਮਾਰ ਮਲੋਟ ਦੀ ਅਗਵਾਈ ਹੇਠ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਦੀ ਪੂਨੀਆ ਕਲੋਨੀ ਸਥਿਤ ਰਿਹਾਇਸ਼ ਦੇ ਘਿਰਾਓ ਦਾ ਪ੍ਰੋਗਰਾਮ ਪ੍ਰਸ਼ਾਸਨ ਨੇ 13 ਅਗਸਤ ਦੀ ਮੀਟਿੰਗ ਨਿਰਧਾਰਤ ਕਰਵਾਉਂਦਿਆਂ ਮੁਲਤਵੀ ਕਰਵਾ ਦਿੱਤਾ ਗਿਆ। ਅੱਜ ਤੜਕਸਾਰ ਤੋਂ ਹੀ ਹੋ ਰਹੀ ਬਰਸਾਤ ਦੇ ਚੱਲਦਿਆਂ ਬੇਰੁਜਗਾਰ ਸਾਂਝਾ ਮੋਰਚੇ ਦੇ ਜਿਆਦਾਤਾਰ ਕਾਰਕੁਨ ਸੰਗਰੂਰ ਘੱਟ ਗਿਣਤੀ ਵਿੱਚ ਪੁੱਜੇ ਅਤੇ ਪ੍ਰਸਾਸਨਿਕ ਅਧਿਕਾਰੀ ਵੀ ਇਸ ਗੱਲੋਂ ਯਤਨਸ਼ੀਲ ਸਨ ਕਿ ਕਿਸੇ ਢੰਗ ਨਾਲ ਉਨ੍ਹਾਂ ਨੂੰ ਮੀਟਿੰਗ ਦਾ ਸਮਾਂ ਦਿਵਾਉਂਦਿਆਂ ਵਿੱਤ ਮੰਤਰੀ ਦੇ ਘਰ ਬਾਹਰ ਦਿੱਤੇ ਧਰਨੇ ਦੇ ਸੱਦੇ ਨੂੰ ਟਾਲ ਦਿੱਤਾ ਜਾਵੇ।
ਸੰਗਰੂਰ, 8 ਅਗਸਤ (ਅਮਨਦੀਪ ਸਿੰਘ ਬਿੱਟਾ)–ਬੇਰੁਜਗਾਰ ਸਾਂਝਾ ਮੋਰਚੇ ਦੇ ਆਗੂ ਕਨਵੀਨਰ ਸੁਖਵਿੰਦਰ ਸਿੰਘ ਢਿੱਲਵਾ ਅਤੇ ਰਮਨ ਕੁਮਾਰ ਮਲੋਟ ਦੀ ਅਗਵਾਈ ਹੇਠ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਦੀ ਪੂਨੀਆ ਕਲੋਨੀ ਸਥਿਤ ਰਿਹਾਇਸ਼ ਦੇ ਘਿਰਾਓ ਦਾ ਪ੍ਰੋਗਰਾਮ ਪ੍ਰਸ਼ਾਸਨ ਨੇ 13 ਅਗਸਤ ਦੀ ਮੀਟਿੰਗ ਨਿਰਧਾਰਤ ਕਰਵਾਉਂਦਿਆਂ ਮੁਲਤਵੀ ਕਰਵਾ ਦਿੱਤਾ ਗਿਆ। ਅੱਜ ਤੜਕਸਾਰ ਤੋਂ ਹੀ ਹੋ ਰਹੀ ਬਰਸਾਤ ਦੇ ਚੱਲਦਿਆਂ ਬੇਰੁਜਗਾਰ ਸਾਂਝਾ ਮੋਰਚੇ ਦੇ ਜਿਆਦਾਤਾਰ ਕਾਰਕੁਨ ਸੰਗਰੂਰ ਘੱਟ ਗਿਣਤੀ ਵਿੱਚ ਪੁੱਜੇ ਅਤੇ ਪ੍ਰਸਾਸਨਿਕ ਅਧਿਕਾਰੀ ਵੀ ਇਸ ਗੱਲੋਂ ਯਤਨਸ਼ੀਲ ਸਨ ਕਿ ਕਿਸੇ ਢੰਗ ਨਾਲ ਉਨ੍ਹਾਂ ਨੂੰ ਮੀਟਿੰਗ ਦਾ ਸਮਾਂ ਦਿਵਾਉਂਦਿਆਂ ਵਿੱਤ ਮੰਤਰੀ ਦੇ ਘਰ ਬਾਹਰ ਦਿੱਤੇ ਧਰਨੇ ਦੇ ਸੱਦੇ ਨੂੰ ਟਾਲ ਦਿੱਤਾ ਜਾਵੇ। ਪਿਛਲੇ ਕਈ ਮਹੀਨਿਆਂ ਤੋਂ ਪੱਕੇ ਮੋਰਚੇ ਦੇ ਉੱਪਰ ਡੀ.ਸੀ. ਦਫਤਰ ਸੰਗਰੂਰ ਬੈਠੇ ਬੇਰੁਜਗਾਰ ਸਾਂਝਾ ਮੋਰਚੇ ਦੇ ਕਾਰਕੁਨ ਆਪਣੀ ਮੰਗਾਂ ਨਾ ਪੂਰੀਆਂ ਹੋਣ ਕਾਰਨ ਰੋਹ ਵਿੱਚ ਹਨ ਅਤੇ ਸਰਕਾਰ ਨਾਲ ਆਰ ਪਾਰ ਦੀ ਲੜਾਈ ਦੇ ਮੂਡ ਵਿੱਚ ਹਨ। ਸੰਘਰਸ਼ ਦੇ ਇਸ ਅਰਸੇ ਦੌਰਾਨ ਉਹ ਕਈ ਮੀਟਿੰਗਾਂ ਅਤੇ ਮੁੱਖ ਮੰਤਰੀ ਦੇ ਸਥਾਨਕ ਨਿਵਾਸ ਦੇ ਘਰ ਦਾ ਘਿਰਾਓ ਅਤੇ ਪ੍ਰਦਸ਼ਨ ਵੀ ਕਰ ਚੁੱਕੇ ਹਨ। ਅੱਜ ਪ੍ਰਸ਼ਾਸਨਿਕ ਅਧਿਕਾਰੀ ਸਵੇਰੇ ਤੋਂ ਹੀ ਬੇਰੁਜਗਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ। ਅੰਤ ਦੋਵਾਂ ਧਿਰਾਂ ਵਿਚਕਾਰ ਹੋਈ ਲੰਬੀ ਗੱਲਬਾਤ ਉਪਰੰਤ ਇਹ ਤੈਅ ਹੋਇਆ ਕਿ ਬੇਰੁਜਗਾਰ ਬਰਨਾਲਾ ਕੈਂਚੀਆਂ ਤੱਕ ਰੋਸ ਮਾਰਚ ਕਰਨਗੇ ਅਤੇ 13 ਅਗਸਤ ਦੀ ਮੀਟਿੰਗ ਦਾ ਪੱਤਰ ਵੀ ਉੱਥੇ ਚੌਕ ਵਿੱਚ ਹੀ ਪ੍ਰਾਪਤ ਕਰਨਗੇ ਇਸ ਉਪਰੰਤ ਨਾਅਰੇਬਾਜੀ ਕਰਦੇ ਬੇਰੁਜਗਾਰ ਬਰਨਾਲਾ ਕੈਚੀਆਂ ਪੁੱਜ ਅਤੇ ਡੀ.ਐਸ.ਪੀ. (ਆਰ) ਦਲਵੀਰ ਸਿੰਘ ਨੇ ਉਨ੍ਹਾਂ ਨੂੰ ਚੰਡੀਗੜ੍ਹ ਵਿਖੇ 13 ਨੂੰ ਹੋਣ ਵਾਲੀ ਮੀਟਿੰਗ ਦਾ ਪੱਤਰ ਸੌਪਿਆ। ਆਪਣੀ ਮੰਗਾਂ ਨੂੰ ਮੁੜ ਦੁਹਰਾਉਂਦਿਆਂ ਆਗੂਆਂ ਨੇ ਕਿਹਾ ਕਿ ਮਾਸਟਰ ਕੇਡਰ ਦੀ ਸਾਰੀ ਆਸਾਮੀਆਂ ਦਾ ਇਸ਼ਤਿਹਾਰ ਜਾਰੀ ਕੀਤਾ ਜਾਵੇ, ਮਾਸਟਰ ਕੇਡਰ ਦੀ 55 ਫੀਸਦੀ ਲਾਜਮੀ ਅੰਕਾਂ ਦੀ ਸ਼ਰਤ ਰੱਦ ਕੀਤੀ ਜਾਵੇ, ਸਾਰੀ ਅਸਾਮੀਆਂ ਵਿੱਚ ਉਮਰ ਹੱਦ ਦੀ ਛੋਟ ਦਿੱਤੀ ਜਾਵੇ ਆਦਿ ਮੰਗਾਂ ਸਾਮਲ ਹਨ। ਇਸ ਮੌਕੇ ਅਮਨ ਸ਼ੇਖਾ, ਹਰਜਿੰਦਰ ਝੁਨੀਰ, ਲਖਵੀਰ ਸਿੰਘ ਸਿਰੀਏਵਾਲਾ, ਨਵਜੋਤ ਸਿੰਘ, ਲਲਿਤਾ ਪਟਿਆਲਾ, ਸੰਦੀਪ ਮੋਫਰ, ਅਮਨਦੀਪ ਕੌਰ, ਮਨਜੀਤ ਕੌਰ, ਸੁਖਪਾਲ ਖਾਨ, ਨਿਰਮਲ ਮੋਗਾ, ਜਗਮੀਤ ਜੈਤੋਂ, ਤਰਸੇਮ ਸਿੰਘ ਸੰਗਰੂਰ, ਸ਼ੇਰ ਸਿੰਘ, ਜਤਿੰਦਰ ਕੁਮਾਰ, ਲਵਲੀ ਰਾਣੀ, ਅਮਨ ਸੰਗਰੂਰ ਆਦਿ ਹਾਜਰ ਸਨ।
