ਧਰਮਕੋਟ, 28 ਮਈ (ਪਰਮਜੀਤ ਸਿੰਘ)-ਐਸ.ਐਫ.ਸੀ. ਪਬਲਿਕ ਸਕੂਲ ਵਲੋਂ ਵਿਦਿਆਰਥੀਆਂ ਲਈ ਵੰਡਰਲੈਂਡ ਦਾ ਦੌਰਾ ਕਰਵਾਇਆ ਗਿਆ | ਵੰਡਰਲੈਂਡ ਪੰਜਾਬ ਦੇ ਪ੍ਰਮੁੱਖ ਮਨੋਰੰਜਨ ਅਤੇ ਵਾਟਰ ਪਾਰਕਾਂ ਵਿਚੋਂ ਇਕ ਮੰਨਿਆਂ ਜਾਂਦਾ ਹੈ, ਜਿੱਥੇ ਬੱਚਿਆਂ ਨੇ ਖੂਬ ਮੌਜ ਮਸਤੀ ਕੀਤੀ ਅਤੇ ਵੱਖ-ਵੱਖ ਰਾਈਡਾਂ ਦਾ ਆਨੰਦ ਮਾਣਿਆ | ਇਸ ਦੌਰਾਨ ਵਿਦਿਆਰਥੀਆਂ ਨੇ ਵਾਟਰ ਰਾਈਡਾਂ, ਡਰਾਉਣੀ ਗੁਫਾ ਅਤੇ ਥ੍ਰੀ ਡੀ ਫ਼ਿਲਮਾਂ ਦਾ ਭਰਪੂਰ ਆਨੰਦ ਲਿਆ | ਗਰਮੀ ਤੋਂ ਰਾਹਤ ਦਿਵਾਉਣ ਅਤੇ ਬੱਚਿਆਂ ਦੇ ਮਾਨਸਿਕ ਅਤੇ ਸਰੀਰਕ ਵਿਕਾਸ ਲਈ ਅਜਿਹੇ ਟਿ੍ਪ ਬਹੁਤ ਲਾਭਦਾਇਕ ਸਾਬਤ ਹੁੰਦੇ ਹਨ | ਬੱਚਿਆਂ ਵਿਚ ਟਿ੍ਪ ਨੂੰ ਲੈ ਕੇ ਕਾਫੀ ਉਤਸ਼ਾਹ ਅਤੇ ਖ਼ੁਸ਼ੀ ਦੇਖਣ ਨੂੰ ਮਿਲੀ | ਦੁਪਹਿਰ ਦੇ ਖਾਣੇ ਦੌਰਾਨ ਬੱਚਿਆਂ ਨੇ ਸਵਾਦਿਸ਼ਟ ਭੋਜਨ ਅਤੇ ਸਨੈਕਸ ਦਾ ਆਨੰਦ ਮਾਣਿਆ | ਰਸਤੇ ਵਿਚ ਵੀ ਵਿਦਿਆਰਥੀਆਂ ਨੂੰ ਰਿਫਰੈਸ਼ਮੈਂਟ ਦਿੱਤੀ ਗਈ | ਸਕੂਲ ਵੈਨ ਵਿਚ ਬੱਚਿਆਂ ਨੇ ਡਾਂਸ, ਅੰਤਾਕਸ਼ਰੀ ਅਤੇ ਗੀਤ ਗਾ ਕੇ ਟਿ੍ਪ ਨੂੰ ਹੋਰ ਵੀ ਯਾਦਗਾਰ ਬਣਾਇਆ | ਇਸ ਮੌਕੇ ਚੇਅਰਮੈਨ ਮੋਹਿਤ ਜਿੰਦਲ, ਪਿ੍ੰਸੀਪਲ ਸ਼ੀਨਮ ਜਿੰਦਲ ਅਤੇ ਐਚ.ਐਮ. ਸਰਿਤਾ ਅਰੋੜਾ ਵੀ ਬੱਚਿਆਂ ਨਾਲ ਮੌਜੂਦ ਰਹੇ ਅਤੇ ਉਨ੍ਹਾਂ ਨੇ ਵੀ ਟਿ੍ਪ ਦਾ ਆਨੰਦ ਮਾਣਿਆ | ਇਹ ਇਕ ਦਿਵਸੀ ਦੌਰਾ ਵਿਦਿਆਰਥੀਆਂ ਲਈ ਯਾਦਗਾਰ ਸਾਬਤ ਹੋਇਆ |
