ਦੋਦਾ, 26 ਮਾਰਚ (ਰਵੀਪਾਲ)-ਨਵੀਂ ਤੇ ਪੁਰਾਣੀ ਪੰਚਾਇਤ ਵਲੋਂ ਪਿੰਡ ਦੇ ਖੇਡ ਮੈਦਾਨ ਨੂੰ ਉੱਚਾ ਕਰਨ ਲਈ ਸਮੂਹ ਨਗਰ ਦੇ ਸਹਿਯੋਗ ਨਾਲ ਮਿੱਟੀ ਪਾਈ ਜਾ ਰਹੀ ਹੈ, ਜਿਸ ਦਾ ਜਾਇਜ਼ਾ ਲੈਣ ਲਈ ਸੰਦੀਪ ਸਿੰਘ ਸੰਨੀ ਢਿੱਲੋਂ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਦੇ ਖੇਡ ਮੈਦਾਨ 'ਚ ਪਹੁੰਚੇ | ਸੰਨੀ ਢਿੱਲੋਂ ਨੇ ਨੌਜਵਾਨਾਂ ਦੇ ਸਹਿਯੋਗ ਦੀ ਸ਼ਲਾਘਾ ਕੀਤੀ | ਸਾਬਕਾ ਸਰਪੰਚ ਗੁਲਾਬ ਸਿੰਘ, ਚੇਅਰਮੈਨ ਅਮਰੀਕ ਸਿੰਘ ਵਕੀਲ ਬਰਾੜ, ਜਲੰਧਰ ਸਿੰਘ ਮੈਂਬਰ, ਸਿਕੰਦਰ ਸਿੰਘ ਕੋਆਰਡੀਨੇਟਰ ਨੇ ਦੱਸਿਆ ਕਿ ਖਿਡਾਰੀਆਂ ਦਾ ਖੇਡ ਮੈਦਾਨ ਨੀਵਾਂ ਹੋਣ ਕਰਕੇ ਬਾਰਿਸ਼ਾਂ 'ਚ ਪਾਣੀ ਭਰ ਜਾਂਦਾ ਸੀ, ਜਿਸ ਕਰਕੇ ਮਹੀਨਾ ਭਰ ਖਿਡਾਰੀ ਪ੍ਰੇਸ਼ਾਨ ਰਹਿੰਦੇ ਸਨ | ਇਸ ਲਈ ਪੰਜਾਬ ਸਰਕਾਰ ਦੇ ਉੱਦਮ ਨਾਲ ਖੇਡ ਮੈਦਾਨ ਦੇ ਵਿਕਾਸ ਲਈ ਗਰਾਂਟ ਜਾਰੀ ਕੀਤੀ ਗਈ ਹੈ, ਤੋਂ ਇਲਾਵਾ ਮੈਦਾਨ ਨੂੰ ਹੋਰ ਉੱਚਾਕਰਨ ਲਈ ਨਵੀਂ ਤੇ ਪੁਰਾਣੀ ਪੰਚਾਇਤ ਦੇ ਮੁਹਤਬਰਾਂ ਨੇ ਇਸ ਕਾਰਜ ਨੂੰ ਫਤਿਹ ਕਰਨ ਲਈ ਪਿੰਡ ਵਾਸੀਆਂ ਦੇ ਟਰੈਕਟਰ-ਟਰਾਲੀਆ ਨਾਲ ਭਰਤ ਦਾ ਕਾਰਜ ਜ਼ੋਰਾਂ ਨਾਲ ਚੱਲ ਰਿਹਾ ਹੈ | ਇਸ ਮੌਕੇ ਸਰਪੰਚ ਭਾਗ ਸਿੰਘ, ਸਰਦੂਲ ਸਿੰਘ ਮੈਂਬਰ, ਚਮਕੌਰ ਸਿੰਘ ਬਰਾੜ, ਪ੍ਰਮਿੰਦਰ ਸਿੰਘ ਗੱਗੂ, ਬੱਬੀ ਸਿੱਖ, ਬਲਕਰਨ ਬਰਾੜ, ਗਿੰਦੀ ਬਰਾੜ, ਅਮਨਾ, ਨਾਟਾ ਬਰਾੜ, ਵਿੱਕੀ ਮਸੌਣ, ਗੁਰੀ, ਵਿਜੇਪਾਲ ਸਿੰਘ, ਲੱਖੀ ਖਾਲਸਾ, ਕਰਨ ਬਰਾੜ, ਗਗਨ ਬਰਾੜ ਆਦਿ ਹਾਜ਼ਰ ਸਨ |