ਬੀਜਿੰਗ, 12 ਸਤੰਬਰ (ਪੀ.ਟੀ.ਆਈ.)-ਚਾਈਨਾ ਸਾਊਦਰਨ ਏਅਰਲਾਈਨਜ਼ ਨੇ ਐਲਾਨ ਕੀਤਾ ਹੈ ਕਿ ਉਹ 21 ਸਤੰਬਰ ਤੋਂ ਗੁਆਂਗਝੂ-ਨਵੀਂ ਦਿੱਲੀ ਰੂਟ ’ਤੇ ਨਿਯਮਤ ਯਾਤਰੀ ਉਡਾਣਾਂ ਮੁੜ ਸ਼ੁਰੂ ਕਰੇਗੀ। ਇਸ ਰੂਟ ’ਤੇ ਉਡਾਣਾਂ ਛੇ ਸਾਲਾਂ ਤੋਂ ਬੰਦ ਸਨ। ਏਅਰਲਾਈਨ ਨੇ ਕਿਹਾ ਹੈ ਕਿ ਉਡਾਣਾਂ ਮੁੜ ਸ਼ੁਰੂ ਹੋਣ ਤੋਂ ਬਾਅਦ ਉਹ ਦੱਖਣੀ ਏਸ਼ੀਆ ’ਚ ਅੱਠ ਆਉਣ-ਜਾਣ ਵਾਲੇ ਰੂਟਾਂ ’ਤੇ ਹਫ਼ਤੇ ’ਚ 100 ਤੋਂ ਵੱਧ ਉਡਾਣਾਂ ਚਲਾਏਗੀ। ਚਾਈਨਾ ਸਾਊਦਰਨ ਏਅਰਲਾਈਨਜ਼ ਦਾ ਮੁੱਖ ਦਫ਼ਤਰ ਚੀਨ ਦੇ ਦੱਖਣੀ ਗੁਆਂਗਦੋਂਗ ਸੂਬੇ ਦੇ ਗੁਆਂਗਝੂ ਸ਼ਹਿਰ ’ਚ ਹੈ ਤੇ ਇਹ ਚੀਨ ਦੀਆਂ ਪ੍ਰਮੁੱਖ ਹਵਾਈ ਕੰਪਨੀਆਂ ’ਚੋਂ ਇਕ ਹੈ। ਏਅਰਲਾਈਨ ਵਲੋਂ ਇਹ ਐਲਾਨ ਅਜਿਹੇ ਸਮੇਂ ਕੀਤਾ ਗਿਆ ਹੈ ਜਦੋਂ ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਭਾਰਤ ਪਹੁੰਚੇ ਹਨ।
