ਨਵੀਂ ਦਿੱਲੀ, 2 ਜੂਨ (ਏਜੰਸੀ)-ਭਾਰਤ ਅਤੇ ਅਮਰੀਕਾ ਦੇ ਮੁੱਖ ਵਾਰਤਾਕਾਰਾਂ ਨੇ ਮੰਗਲਵਾਰ ਨੂੰ ਇਥੇ ਪ੍ਰਸਤਾਵਿਤ ਅੰਤਰਿਮ ਵਪਾਰ ਸਮਝੌਤੇ ਦੇ ਵੇਰਵਿਆਂ ਨੂੰ ਅੰਤਿਮ ਰੂਪ ਦੇਣ ਲਈ ਤਿੰਨ ਦਿਨਾ ਗੱਲਬਾਤ ਦਾ ਦੌਰ ਸ਼ੁਰੂ ਕੀਤਾ | ਇਸ ਸਮਝੌਤੇ ਦਾ ਖਾਕਾ ਫਰਵਰੀ 'ਚ ਹੀ ਤਿਆਰ ਕਰ ਲਿਆ ਗਿਆ ਸੀ | ਅਮਰੀਕੀ ਟੀਮ ਦੀ ਅਗਵਾਈ ਇਸ ਦੇ ਮੁੱਖ ਵਾਰਤਾਕਾਰ ਬ੍ਰੇਂਡਨ ਲਿੰਚ ਕਰ ਰਹੇ ਹਨ | ਭਾਰਤ ਦੇ ਮੁੱਖ ਵਾਰਤਾਕਾਰ ਦਰਪਣ ਜੈਨ ਹਨ, ਜੋ ਵਣਜ ਵਿਭਾਗ 'ਚ ਵਧੀਕ ਸਕੱਤਰ ਹਨ | ਇਹ ਗੱਲਬਾਤ ਇਥੇ ਵਣਜ ਅਤੇ ਉਦਯੋਗ ਮੰਤਰਾਲੇ ਦੇ ਮੁੱਖ ਦਫ਼ਤਰ ਵਣਿਜਯ ਭਵਨ 'ਚ ਚੱਲ ਰਹੀ ਹੈ | ਦੋਵੇਂ ਧਿਰਾਂ ਅੰਤਰਿਮ ਵਪਾਰ ਸਮਝÏਤੇ ਦੇ ਵੇਰਵਿਆਂ ਨੂੰ ਅੰਤਿਮ ਰੂਪ ਦੇਣ ਅਤੇ ਵਿਆਪਕ ਦੁਵੱਲੇ ਵਪਾਰ ਸਮਝÏਤੇ (ਬੀ.ਟੀ.ਏ.) ਲਈ ਗੱਲਬਾਤ ਨੂੰ ਅੱਗੇ ਵਧਾਉਣ ਲਈ ਵਿਚਾਰ ਕਰ ਰਹੀਆਂ ਹਨ |
