ਮੋਗਾ, 1 ਜਨਵਰੀ (ਸੁਰਿੰਦਰਪਾਲ ਸਿੰਘ)-ਇਲਾਕੇ ਦੀ ਉੱਘੀ ਸਮਾਜ ਸੇਵਾ ਸੰਸਥਾ ਦੀ ਕਾਰਜਕਾਰਨੀ ਦੀ ਮੀਟਿੰਗ ਪ੍ਰਧਾਨ ਜਸਵੰਤ ਸਿੰਘ ਦਾਨੀ ਤੇ ਵਾਈਸ ਚੇਅਰਮੈਨ ਵੀ.ਪੀ. ਸੇਠੀ ਦੀ ਪ੍ਰਧਾਨਗੀ ਹੇਠ ਹੋਈ, ਜਿਸ ਵਿਚ ਸਰਬਸੰਮਤੀ ਨਾਲ ਫ਼ੈਸਲਾ ਕੀਤਾ ਗਿਆ ਕਿ ਸੁਸਾਇਟੀ ਦੀ ਜਨਰਲ ਬਾਡੀ ਦੀ ਮੀਟਿੰਗ 3 ਜਨਵਰੀ ਨੂੰ ਹੋਟਲ ਫੋਰ-ਜੀ ਵਿਖੇ ਸ਼ਾਮ 4 ਵਜੇ ਹੋਵੇਗੀ | ਮੀਟਿੰਗ ਵਿਚ ਗੀਤ ਸੰਗੀਤ, ਤੰਬੋਲਾ, ਚੁਟਕਲੇ, ਕੁਇਜ਼ ਤੋਂ ਇਲਾਵਾ ਉੱਘੇ ਡਾਕਟਰ ਸਾਹਿਬਾਨ ਹੈਲਥ ਸਬੰਧੀ ਲੈਕਚਰ ਦੇਣਗੇ | ਇਸ ਮੌਕੇ ਵਾਈਸ ਚੇਅਰਮੈਨ ਵੀ.ਪੀ. ਸੇਠੀ, ਸੁਮਨ ਕਾਂਤ ਵਿਜ, ਐਸ.ਕੇ. ਬਾਂਸਲ ਚੀਫ਼ ਐਡਵਾਈਜ਼ਰ, ਅਮਰਜੀਤ ਸਿੰਘ ਜੁਆਇੰਟ ਸਕੱਤਰ, ਦਿਆਲ ਸਿੰਘ ਵਿੱਤ ਸਕੱਤਰ, ਸੂਬੇਦਾਰ ਹਰਭਜਨ ਸਿੰਘ, ਵਿਜੇ ਧੀਰ ਕਾਨੂੰਨੀ ਸਲਾਹਕਾਰ, ਗੁਰਬੀਰ ਸਿੰਘ ਜੱਸਲ, ਕੇਵਲ ਬਾਂਸਲ ਵਾਈਸ ਪ੍ਰਧਾਨ ਆਦਿ ਹਾਜ਼ਰ ਸਨ | ਜਸਵੰਤ ਸਿੰਘ ਦਾਨੀ ਨੇ ਸਮੂਹ ਮੈਂਬਰਾਂ ਨੂੰ ਮੀਟਿੰਗ ਵਿਚ ਹਾਜ਼ਰ ਹੋਣ ਦੀ ਅਪੀਲ ਕੀਤੀ |
