ਬਰਗਾੜੀ, 10 ਜੁਲਾਈ (ਸੁਖਰਾਜ ਸਿੰਘ ਗੋਂਦਾਰਾ)-ਪਿੰਡ ਬਹਿਬਲ ਕਲਾਂ ਨਿਵਾਸੀ ਮਨਪ੍ਰੀਤ ਸਿੰਘ ਸੇਖੋਂ, ਤਰਨਜੀਤ ਸਿੰਘ ਸੇਖੋਂ ਯੂ.ਐਸ.ਏ ਦੇ ਸਤਿਕਾਰਤ ਮਾਤਾ ਅਤੇ ਸੁਰਜੀਤ ਸਿੰਘ ਸੇਖੋਂ ਦੇ ਧਰਮਪਤਨੀ ਦਲਜੀਤ ਕੌਰ ਸੇਖੋਂ ਪਿਛਲੇ ਦਿਨੀਂ ਅਕਾਲ ਚਲਾਣਾ ਕਰ ਗਏ ਸਨ। ਉਨ੍ਹਾਂ ਦੀ ਮੌਤ ’ਤੇ ਸਾਬਕਾ ਮੰਤਰੀ ਪੰਜਾਬ ਉਪਿੰਦਰ ਕੁਮਾਰ ਸ਼ਰਮਾ ਉਨ੍ਹਾਂ ਦੇ ਗ੍ਰਹਿ ਵਿਖੇ ਪਹੁੰਚ ਕਿ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਦਿਆਂ ਕਿਹਾ ਕਿ ਭਾਂਵੇ ਬੱਚਿਆਂ ਦੇ ਪਾਲਣ ਪੋਸ਼ਣ ’ਚ ਮਾਤਾ ਪਿਤਾ ਦੀ ਬਰਾਬਰ ਦੀ ਭਾਗੀਦਾਰੀ ਹੁੰਦੀ ਹੈ ਪ੍ਰੰਤੂ ਬੱਚਿਆਂ ਦੇ ਜੀਵਨ ’ਚ ਮਾਤਾ ਦਾ ਦਰਜਾ ਬੜਾ ਅਹਿਮ ਹੁੰਦਾ ਹੈ। ਇਸ ਮੌਕੇ ਵਿਧਾਨ ਸਭਾ ਹਲਕਾ ਜੈਤੋ ਦੇ ਇੰਚਾਰਜ ਦਰਸ਼ਨ ਸਿੰਘ ਢਿੱਲਵਾਂ, ਬਿੱਟੂ ਕੋਟਕਪੂਰਾ, ਬੇਅੰਤ ਸਿੰਘ ਬੁਰਜ, ਕੇਸ਼ਵ ਬਹਿਬਲ, ਦਰਸ਼ਨ ਸਿੰਘ ਸੇਖੋਂ ਆਦਿ ਹਾਜ਼ਰ ਸਨ।
