ਬਰਗਾੜੀ, 24 ਜਨਵਰੀ (ਲਖਵਿੰਦਰ ਸ਼ਰਮਾ)-ਵਿਵੇਕ ਸਕੂਲ ਬਰਗਾੜੀ ਵਿਖੇ ਬਸੰਤ ਪੰਚਮੀਂ ਦਾ ਤਿਉਹਾਰ ਪੂਰੀ ਧੂਮਧਾਮ ਨਾਲ ਮਨਾਇਆ ਗਿਆ | ਸਕੂਲ ਪਿ੍ੰਸੀਪਲ ਸੋਨੀਆ ਸੇਠੀ ਨੇ ਸਮੂਹ ਬੱਚਿਆਂ ਅਤੇ ਸਟਾਫ਼ ਨੂੰ ਵਧਾਈ ਦਿੰਦਿਆਂ ਇਸ ਤਿਉਹਾਰ ਦੀ ਮਹੱਤਤਾ ਬਾਰੇ ਵਿਸਥਾਰ ਨਾਲ ਚਾਨਣਾ ਪਾਇਆ | ਸਟਾਫ਼ ਅਤੇ ਬੱਚਿਆਂ ਨੇ ਗਿਆਨ ਸੰਗੀਤ ਅਤੇ ਕਲਾ ਦੀ ਮਾਂ ਸਰਸਵਤੀ ਦੀ ਪੀਲੇ ਫੁੱਲਾਂ ਨਾਲ ਪੂਜਾ ਅਰਚਨਾਂ ਕੀਤੀ | ਬੱਚਿਆਂ ਨੇ ਪੀਲੇ ਰੰਗ ਦੇ ਕੱਪੜੇ ਪਹਿਨ ਕੇ ਬਸੰਤ ਪੰਚਮੀਂ ਨਾਲ ਸੰਬੰਧਿਤ ਗੀਤ ਕਵਿਤਾਵਾਂ, ਨਾਚ ਆਦਿ ਪੇਸ਼ ਕੀਤੇ ਅਤੇ ਬੱਚਿਆਂ ਨੇ ਆਪਣੇ ਹੱਥੀਂ ਪਤੰਗਾਂ ਬਣਾ ਕੇ ਅਸਮਾਨ ਵਿਚ ਉਡਾਈਆਂ | ਬੱਚੇ ਆਪਣੇ ਘਰਾਂ ਤੋਂ ਪੀਲੇ ਰੰਗ ਦੇ ਵੱਖ-ਵੱਖ ਤਰ੍ਹਾਂ ਦੇ ਪਕਵਾਨ ਤਿਆਰ ਕਰਕੇ ਸਕੂਲ ਲਿਆਏ ਅਤੇ ਸਮੂਹ ਬੱਚਿਆਂ ਨੇ ਰਲ ਮਿਲ ਕੇ ਆਪਣੇ ਪਕਵਾਨ ਖਾਧੇ | ਸਾਰੀਆਂ ਗਤੀਵਿਧੀਆਂ ਵਿਚ ਚੰਗੀ ਕਾਰਗੁਜਾਰੀ ਵਾਲੇ ਬੱਚਿਆਂ ਨੂੰ ਸਨਮਾਨਿਤ ਕੀਤਾ ਗਿਆ | ਸੋਨੀਆ ਸੇਠੀ ਨੇ ਦੱਸਿਆ ਕਿ ਇਸ ਦਿਨ ਤੋਂ ਰੁੱਤ ਬਦਲਦੀ ਹੈ ਅਤੇ ਸਰਦੀ ਘਟਣੀ ਸ਼ੁਰੂ ਹੋ ਜਾਂਦੀ ਹੈ | ਪੌਦੇ ਨਵੇਂ ਸਿਰੇ ਤੋਂ ਫੁੱਟਣੇ ਸੁਰੂ ਹੋ ਜਾਂਦੇ ਹਨ | ਇਸ ਮੌਕੇ ਸਕੂਲ ਕੋਆਰਡੀਨੇਟਰ ਅਮਰਜੀਤ ਕੌਰ, ਗਗਨਦੀਪ ਕੌਰ, ਸਮੂਹ ਸਟਾਫ ਆਦਿ ਹਾਜ਼ਰ ਸਨ |
