ਪਟਿਆਲਾ-ਮਲੇਰਕੋਟਲਾ ਵਾਇਆ ਨਾਭਾ ਰੂਟ 'ਤੇ ਬੱਸ ਸਰਵਿਸ ਦਾ ਮੰਦੜਾ ਹਾਲ
ਅਜੀਤ ਡੈਸਕ
31-03-2026
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਬੱਸ ਸਾਡੇ ਉੱਪਰ ਖੜ੍ਹੇ ਵਿਦਿਆਰਥੀਆਂ ਨੇ ਕਿਹਾ ਕਿ ਅੱਜ ਉਨ੍ਹਾਂ ਨੇ ਪਟਿਆਲਾ ਵਿਖੇ ਆਪਣਾ ਪੇਪਰ ਦੇਣ ਜਾਣਾ ਸੀ ਪਰ ਪਿਛਲੇ ਦੋ ਘੰਟੇ ਤੋਂ ਉਹ ਬੱਸਾਂ ਦਾ ਇੰਤਜ਼ਾਰ ਕਰ ਰਹੇ ਹਨ | ਉਨ੍ਹਾਂ ਨੇ ਸੂਬਾ ਸਰਕਾਰ ਨੂੰ ਸਵਾਲ ਕੀਤਾ ਕਿ ਜੇਕਰ ਉਨ੍ਹਾਂ ਨੇ ਰੈਲੀਆਂ ਕਰਨੀਆਂ ਵੀ ਹਨ ਤਾਂ ਘੱਟੋ-ਘੱਟ ਪੀ.ਆਰ.ਟੀ.ਸੀ. ਦੀਆਂ ਬੱਸਾਂ ਦਾ ਇਸਤੇਮਾਲ ਨਾ ਕੀਤਾ ਜਾਵੇ ਤਾਂ ਜੋ ਉਹ ਪ੍ਰੇਸ਼ਾਨ ਨਾ ਹੋਣ | ਰਾਜਿੰਦਰਾ ਹਸਪਤਾਲ ਜਾਣ ਵਾਲੇ ਮਰੀਜ਼ਾਂ ਨੇ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੂੰ ਇਲਾਜ ਕਰਵਾਉਣ ਲਈ ਪਟਿਆਲਾ ਜਾਣਾ ਪੈਂਦਾ ਹੈ ਪਰ ਸਰਕਾਰੀ ਬੱਸਾਂ ਨਾ ਹੋਣ ਕਰਕੇ ਉਹ ਬਹੁਤ ਪ੍ਰੇਸ਼ਾਨ ਹਨ | ਡਾਇਲੈਸਿਸ ਦਾ ਇਲਾਜ ਕਰਵਾ ਰਹੇ ਇਕ ਮਰੀਜ਼ ਨੇ ਕਿਹਾ ਕਿ ਉਨ੍ਹਾਂ ਨੇ ਰਾਜਪੁਰਾ ਹਫ਼ਤੇ ਵਿਚ ਦੋ ਵਾਰ ਜਾਣਾ ਪੈਂਦਾ ਹੈ ਪਰ ਸਰਕਾਰੀ ਬੱਸਾਂ ਨਾ ਆਉਣ ਕਰਕੇ ਉਹ ਪਿਛਲੇ ਦੋ ਘੰਟੇ ਤੋਂ ਬੱਸ ਦਾ ਇੰਤਜ਼ਾਰ ਕਰ ਰਹੇ ਹਨ | ਪਰਮਜੀਤ ਸਿੰਘ ਪੰਮਾ ਗੁਰਦਿਤਪੁਰਾਂ ਨੇ ਕਿਹਾ ਕਿ ਗਲਵੱਟੀ ਬੱਸ ਅੱਡੇ 'ਤੇ ਬਹੁਤ ਹੀ ਘੱਟ ਬੱਸਾਂ ਰੁਕਦੀਆਂ ਹਨ ਜਿਸ ਕਰਕੇ ਸਵਾਰੀਆਂ ਘੰਟਿਆਂ ਬੰਦੀ ਪਰੇਸ਼ਾਨ ਹੁੰਦੀਆਂ ਹਨ | ਉਨ੍ਹਾਂ ਕਿਹਾ ਕਿ ਇਸ ਪਾਸੇ ਪੰਜਾਬ ਸਰਕਾਰ ਨੂੰ ਵਿਸ਼ੇਸ਼ ਧਿਆਨ ਦੇਣਾ ਚਾਹੀਦਾ ਹੈ | ਨਾਭਾ ਬੱਸ ਅੱਡੇ ਦੇ ਆਰਜ਼ੀ ਇੰਚਾਰਜ ਨੇ ਦੱਸਿਆ ਕਿ ਨਾਭਾ ਬੱਸ ਅੱਡੇ ਤੋਂ ਬੱਸਾਂ ਨੂੰ ਰੈਲੀ 'ਚ ਭੇਜਿਆ ਗਿਆ ਹੈ ਪਰ ਫਿਰ ਵੀ ਉਹ ਆਪਣੇ ਤੌਰ 'ਤੇ ਸਵਾਰੀਆਂ ਲਈ ਬੱਸਾਂ ਦਾ ਇੰਤਜ਼ਾਮ ਕਰ ਰਹੇ ਹਨ | ਹੁਣ ਵੇਖਣ ਵਾਲੀ ਗੱਲ ਤਾਂ ਇਹ ਹੈ ਕਿ ਪਟਿਆਲਾ-ਮਲੇਰਕੋਟਲਾ ਬਾਇਆ ਨਾਭਾ ਰੂਟ 'ਤੇ ਬੱਸ ਸਰਵਿਸ ਵਿਚ ਸੁਧਾਰ ਹੋਵੇਗਾ ਜਾਂ ਫਿਰ ਰੋਜਾਨਾ ਸਫ਼ਰ ਕਰਨ ਵਾਲੇ ਲੋਕ ਇਸੇ ਤਰ੍ਹਾਂ ਹੀ ਖੱਜਲ ਖੁਆਰ ਹੁੰਦੇ ਰਹਿਣਗੇ, ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ |