ਡਾਬਾ/ਲੁਹਾਰਾ, 23 ਜੁਲਾਈ (ਕੁਲਵੰਤ ਸਿੰਘ ਸੱਪਲ)-ਤਿੰਨ ਵਾਰਡਾਂ 41, 42 ਅਤੇ 43 ਦੀ ਸਾਂਝੀ ਸੜਕ ਵਾਹਿਗੁਰੂ ਰੋਡ ਨੂੰ ਬਣਾਉਣ ਦਾ ਉਦਘਾਟਨ ਵਿਧਾਇਕ ਕੁਲਵੰਤ ਸਿੰਘ ਸਿੱਧੂ, ਵਾਰਡ 41 ਦੀ ਕੌਂਸਲਰ ਮਮਤਾ ਰਾਣੀ, ਬ੍ਰਾਹਮਣ ਭਲਾਈ ਬੋਰਡ ਦੇ ਚੇਅਰਮੈਨ ਪੰਕਜ ਸ਼ਾਰਧਾ, ਜ਼ਿਲ੍ਹਾ ਚੇਅਰਮੈਨ ਮਨੀ ਭਗਤ ਅਤੇ ਸਾਬਕਾ ਕੌਂਸਲਰ ਕੁਲਦੀਪ ਸਿੰਘ ਪਨੇਸਰ (ਬਿੱਟਾ) ਵਲੋਂ ਕੀਤਾ ਗਿਆ। ਵਿਧਾਇਕ ਸਿੱਧੂ ਨੇ ਆਖਿਆ ਕਿ ਇਸ ਹਲਕੇ ਵਿਚ ਵਿਕਾਸ ਦੇ ਕੰਮ ਜੰਗੀ ਪੱਧਰ ’ਤੇ ਚੱਲ ਰਹੇ ਹਨ ਅਤੇ ਭਵਿੱਖ ਵਿਚ ਵੀ ਚੱਲਦੇ ਰਹਿਣਗੇ । ਕੌਂਸਲਰ ਮਮਤਾ ਰਾਣੀ ਨੇ ਦੱਸਿਆ ਕਿ ਬੇਦੀ ਚੌਕ ਤੋਂ ਡਾਬਾ ਰੋਡ ਤੱਕ ਪੈਂਦੀ ਇਸ ਸੜਕ ’ਤੇ 47 ਲੱਖ ਰੁਪਏ ਦੇ ਲਗਭਗ ਖ਼ਰਚ ਆਵੇਗਾ। ਉਨ੍ਹਾਂ ਆਖਿਆ ਕਿ ਵਾਰਡ ਨੰਬਰ 41 ਵਿਚ ਅਨੇਕਾਂ ਪ੍ਰੋਜੈਕਟ ਮੁਕੰਮਲ ਹੋ ਚੁੱਕੇ ਹਨ, ਕਈਆਂ ਦਾ ਕੰਮ ਚੱਲ ਰਿਹਾ ਹੈ ਅਤੇ ਕਰੋੜਾਂ ਰੁਪਏ ਦੇ ਪ੍ਰੋਜੈਕਟ ਹੋਰ ਵੀ ਪਾਸ ਹੋ ਚੁੱਕੇ ਹਨ, ਜਿਨ੍ਹਾਂ ਦਾ ਕੰਮ ਜਲਦੀ ਹੀ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਸਾਬਕਾ ਕੌਂਸਲਰ ਕੁਲਦੀਪ ਸਿੰਘ ਬਿੱਟਾ ਨੇ ਆਖਿਆ ਕਿ ਮੇਰੇ ਕੌਂਸਲਰ ਅਤੇ ਵਾਰਡ ਇੰਚਾਰਜ ਹੁੰਦਿਆਂ ਸਾਢੇ ਪੰਜ ਕਰੋੜ ਰੁਪਏ ਤੋਂ ਉੱਪਰ ਦੇ ਕੰਮ ਪਾਸ ਕਰਵਾਏ ਗਏ ਸਨ, ਜਿਨ੍ਹਾਂ ਵਿਚ ਏ.ਟੀ.ਆਈ. ਰੋਡ ਦੀਆਂ ਲਾਈਟਾਂ ਤੋਂ ਲੈ ਕੇ ਬੇਦੀ ਚੌਕ ਤੱਕ (ਇੱਟਾਂ ਵਾਲੇ ਚੌਕ ਤੋਂ ਡਾਬਾ ਰੋਡ ਤੱਕ ਸ਼ੁਰੂ ਹੋਣ ਵਾਲਾ ਹੈ) ਆਦਿ ਮੁਕੰਮਲ ਹੋ ਚੁੱਕੇ ਹਨ। ਇਸ ਮੌਕੇ ਦਲੀਪ ਕੁਮਾਰ, ਰਾਜ ਕੁਮਾਰ ਰਾਜੂ, ਬੂਟਾ ਰਾਮ, ਗੁਰਚਰਨ ਸਿੰਘ, ਹਰਦੀਪ ਸਿੰਘ ਦੀਪੀ, ਰਾਮ ਲਾਲ ਗਰਗ, ਪਰਮਿੰਦਰ ਮੋਦਗਿੱਲ, ਅਤਿੰਦਰ ਪਾਲ ਪ੍ਰੀਤ, ਡਾ. ਲਵਲੀ, ਸੰਜੀਵ ਕੁਮਾਰ, ਵਿਕਾਸ ਸੇਠੀ, ਗਜਿੰਦਰ ਸ਼ਰਮਾ, ਅਮਨਦੀਪ ਚੌਹਾਨ, ਨੀਲਮ ਰਾਣੀ, ਬਲਵੀਰ ਕੌਰ ਬੀਰੋ, ਸਿਮਰਨ ਕੌਰ ਅਤੇ ਦੀਪ ਕੌਰ ਸਮੇਤ ਵੱਡੀ ਗਿਣਤੀ ਵਿਚ ਇਲਾਕਾ ਨਿਵਾਸੀ ਮੌਜੂਦ ਸਨ।
