ਲੁਧਿਆਣਾ, 8 ਮਈ (ਭੁਪਿੰਦਰ ਸਿੰਘ ਬੈਂਸ)-ਸ਼ਹਿਰ ਦੇ ਪੱਖੋਵਾਲ ਰੋਡ ਸਥਿਤ ਨਾਰੰਗਵਾਲ ਚੌਕ ਨੇੜੇ ਇਕ ਚੱਲਦਾ ਟਰੱਕ ਅਚਾਨਕ ਅੱਗ ਦੀ ਲਪੇਟ ਵਿਚ ਆ ਗਿਆ | ਜਾਣਕਾਰੀ ਅਨੁਸਾਰ ਟਰੱਕ 'ਚ ਵੱਡੀ ਮਾਤਰਾ ਵਿਚ ਰੂੰ ਲੱਦੀ ਹੋਈ ਸੀ | ਇਸ ਦੌਰਾਨ ਟਰੱਕ ਵਿਚ ਕਥਿਤ ਤੌਰ 'ਤੇ ਤਕਨੀਕੀ ਖਰਾਬੀ ਆਉਣ ਕਾਰਨ ਅਚਾਨਕ ਅੱਗ ਲੱਗ ਗਈ ਅਤੇ ਦੇਖਦੇ ਹੀ ਦੇਖਦੇ ਅੱਗ ਨੇ ਪੂਰੇ ਰੂੰ ਨੰੂ ਆਪਣੀ ਲਪੇਟ ਵਿਚ ਲੈ ਲਿਆ | ਘਟਨਾ ਦੀਆਂ ਵੀਡੀੳਜ਼ ਸੋਸ਼ਲ ਮੀਡੀਆ 'ਤੇ ਵੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ | ਟਰੱਕ ਡਰਾਈਵਰ ਨੇ ਸਮਝਦਾਰੀ ਦਿਖਾਉਂਦੇ ਹੋਏ ਕਰੀਬ 4 ਤੋ 5 ਕਿਲੋਮੀਟਰ ਤੱਕ ਟਰੱਕ ਨੰੂ ਚਲਾਕੇ ਇਕ ਖਾਲੀ ਮੈਦਾਨ 'ਚ ਖੜ੍ਹਾ ਕਰ ਦਿੱਤਾ ਅਤੇ ਖੁੱਦ ਛਲਾਂਗ ਲਗਾਕੇ ਬਾਹਰ ਨਿਕਲ ਆਇਆ, ਜਿਸ ਨਾਲ ਵੱਡਾ ਹਾਦਸਾ ਹੋਣੋ ਟੱਲ ਗਿਆ | ਮੌਕੇ 'ਤੇ ਮੌਜੂਦ ਲੋਕਾਂ ਵਲੋਂ ਤੁਰੰਤ ਫਾਇਰ ਬਿ੍ਗੇਡ ਅਮਲੇ ਨੰੂ ਸੂਚਿਤ ਕੀਤਾ ਗਿਆ | ਜਿਸ ਨੇ ਮੌਕੇ ਤੇ ਪੁੱਜਕੇ ਅੱਗ 'ਤੇ ਕਾਬੂ ਪਾਇਆ | ਪਰ ਅੱਗ ਕਾਰਨ ਟਰੱਕ 'ਚ ਲੱਦੀ ਰੂੰ ਸੜਕੇ ਸੁਆਹ ਹੋ ਗਈ |
