ਅੰਮਿ੍ਤਸਰ, 26 ਮਾਰਚ (ਹਰਮਿੰਦਰ ਸਿੰਘ)-ਚਾਲੂ ਮਾਲੀ ਸਾਲ ਦੇ ਅਖੀਰਲੇ ਦਿਨਾਂ 'ਚ ਨਗਰ ਨਿਗਮ ਦੇ ਪ੍ਰਾਪਰਟੀ ਟੈਕਸ ਦੇ ਟੀਚੇ ਨੂੰ ਪੂਰਾ ਕਰਨ ਅਤੇ ਜਾਇਦਾਦ ਕਰਦਾਤਾਂ ਨੂੰ ਜੁਰਮਾਨੇ ਤੋਂ ਬਚਾਉਣ ਲਈ ਨਿਗਮ ਕਮਿਸ਼ਨਰ ਦੀਆਂ ਹਦਾਇਤਾਂ 'ਤੇ ਗਾਹਕ ਸਹੂਲਤ ਕੇਂਦਰ ਅਤੇ ਪ੍ਰਾਪਰਟੀ ਟੈਕਸ ਵਿਭਾਗ ਦੇ ਵੱਖ ਵੱਖ ਜ਼ੋਨਾਂ 'ਚ ਮੌਜੂਦ ਦਫ਼ਤਰ ਖੁਲ੍ਹੇ ਰੱਖੇ ਗਏ | ਇਸ ਦੌਰਾਨ ਅੱਜ 16 ਲੱਖ ਰੁਪਏ ਦੀ ਰਾਸ਼ੀ ਟੈਕਸ ਵਜੋਂ ਜਮ੍ਹਾਂ ਹੋਈ | ਜਿਸ ਨਾਲ ਵਿਭਾਗ ਦੇ ਖਾਤੇ 'ਚ ਚਾਲੂ ਵਿੱਤੀ ਸਾਲ 'ਚ 43.72 ਕਰੋੜ ਰੁਪਏ ਪ੍ਰਾਪਰਟੀ ਟੈਕਸ ਵਜੋਂ ਜਮਾਂ ਹੋ ਗਏ ਹਨ | ਜਦੋਂ ਕਿ ਇਸ ਵਿਭਾਗ ਨੂੰ ਨਿਗਮ ਦੇ ਬਜਟ 'ਚ 55 ਕਰੋੜ ਦਾ ਟੀਚਾ ਦਿਤਾ ਗਿਆ ਸੀ | ਇਸ ਟੀਚੇ ਨੂੰ ਪੂਰਾ ਕਰਨ ਲਈ ਵਿਭਾਗ ਕੋਲ ਇਸ ਵੇਲੇ ਕੇਵਲ ਪੰਜ ਦਿਨ ਹੀ ਬਾਕੀ ਬਚੇ ਹਨ |
