ਪੰਜਾਬ ਸਰਕਾਰ ਵਲੋਂ ਮੁਲਾਜ਼ਮਾਂ ਨੂੰ ਡਰਾਉਣ ਧਮਕਾਉਣ ਵਾਲਾ ਫੈਸਲਾ 2027 ’ਚ ਲੈ ਡੁੱਬੇਗਾ-ਪੁਰੇਵਾਲ

ਪਠਾਨਕੋਟ/ਸ਼ਾਹਪੁਰ ਕੰਢੀ, 28 ਅਗਸਤ (ਵਿਨੋਦ/ਰਣਜੀਤ ਸਿੰਘ)-ਮਹਾਂ ਹੜਤਾਲ ਦੇ 100 ਫੀਸਦੀ ਸਫਲ ਹੋਣ ਮਗਰੋਂ ਗੁੱਸੇ ’ਚ ਆਈ ਪੰਜਾਬ ਸਰਕਾਰ ਵਲੋਂ ਮੁਲਾਜ਼ਮਾਂ ਨੂੰ ਡਰਾਉਣ ਧਮਕਾਉਣ ਦਾ ਫੈਸਲਾ ਸਰਕਾਰ ਨੂੰ 2027 ਦੀਆਂ ਚੋਣਾਂ ਵਿਚ ਲੈ ਡੁੱਬੇਗਾ । ਸ਼੍ਰੋਮਣੀ ਅਕਾਲੀ ਦਲ ਪੁਨਰਸੁਰਜੀਤੀ ਦੇ ਜ਼ਿਲ੍ਹਾ ਪਠਾਨਕੋਟ ਦੇ ਪ੍ਰਧਾਨ ਹਰੀ ਸਿੰਘ ਪੁਰੇਵਾਲ ਨੇ ਕਿਹਾ ਕਿ ਮਹਾਂ ਹੜਤਾਲ ਦੌਰਾਨ ਬਕਾਇਦਾ ਛੁੱਟੀਆਂ ਆਪਣੇ-ਆਪਣੇ ਦਫ਼ਤਰਾਂ ਵਿਚ ਦੇ ਕੇ ਗਏ ਮੁਲਾਜ਼ਮਾਂ ਨੂੰ ਗੈਰ ਹਾਜ਼ਰ ਦਰਸਾਉਂਦੇ ਹੋਏ ਵਿਭਾਗੀ ਕਾਰਵਾਈ ਲਈ ਵਿਭਾਗ ਦੇ ਮੁਖੀਆਂ ਨੂੰ ਕਾਰਵਾਈ ਕਰਨ ਲਈ ਹਦਾਇਤਾਂ ਜਾਰੀ ਕਰਨੀਆਂ ਸਰਕਾਰ ਦਾ ਹੰਕਾਰੀ ਰਵੱਈਆ ਸਿੱਧ ਹੁੰਦਾ ਹੈ ।