ਪਠਾਨਕੋਟ, 7 ਮਾਰਚ (ਸੰਧੂ)- ਹਿਮ ਸ਼ਿਖਾ ਸਕੂਲ ਮਾਮੂਨ ਦੇ ਈਕੋ ਕਲੱਬ ਨੇ ਪਿ੍ੰਸੀਪਲ ਸੁਸ਼ੀਲ ਸ਼ਰਮਾ ਦੀ ਪ੍ਰਧਾਨਗੀ ਹੇਠ ਪੋਸਟਰ ਮੇਕਿੰਗ ਮੁਕਾਬਲੇ ਅਤੇ ਸਫ਼ਾਈ ਮੁਹਿੰਮ ਚਲਾਈ | ਈਕੋ ਕਲੱਬ ਦੇ ਵਿਦਿਆਰਥੀਆਂ ਨੇ ਸਫ਼ਾਈ ਮੁਹਿੰਮ ਚਲਾਈ ਅਤੇ ਸਕੂਲ ਕੈਂਪਸ ਨੂੰ ਪਲਾਸਟਿਕ ਮੁਕਤ ਬਣਾਉਣ ਦਾ ਪ੍ਰਣ ਲਿਆ | ਪੋਸਟਰ ਮੇਕਿੰਗ ਮੁਕਾਬਲੇ ਵਿਚ ਨੀਤੂ ਨੇ ਪਹਿਲਾ ਸਥਾਨ, ਨਿਧੀ ਨੇ ਦੂਜਾ ਅਤੇ ਸੰਚਿਤ ਤੇ ਕਰਨਦੀਪ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਕੋਆਰਡੀਨੇਟਰ ਫ਼ਲਕ ਸ਼ਰਮਾ ਤੇ ਈਕੋ ਕਲੱਬ ਇੰਚਾਰਜ ਸ਼੍ਰੇਆ ਸ਼ਰਮਾ ਦੁਆਰਾ ਭਾਗੀਦਾਰਾਂ ਨੂੰ ਸਰਟੀਫਿਕੇਟ ਤੇ ਇਨਾਮ ਪ੍ਰਦਾਨ ਕੀਤੇ ਗਏ | ਪ੍ਰੋਗਰਾਮ ਤੋਂ ਬਾਅਦ ਸਾਰੇ ਭਾਗੀਦਾਰਾਂ ਲਈ ਰਿਫਰੈਸ਼ਮੈਂਟ ਪ੍ਰਦਾਨ ਕੀਤੀ ਗਈ | ਇਸ ਮੌਕੇ ਮੈਨੇਜਰ ਮੀਨਾ ਸ਼ਰਮਾ, ਪ੍ਰਵੀਨ ਲਤਾ, ਰਿਚਾ ਸ਼ਰਮਾ, ਸੁਰੇਸ਼ ਕੁਮਾਰੀ, ਸਵਾਤੀ ਗੁਪਤਾ, ਸੰਤੋਸ਼, ਸੰਧਿਆ, ਰਿਤਿਕਾ, ਸੋਮਾ ਤੇ ਹੋਰ ਮੌਜੂਦ ਸਨ |
