ਸ਼ਿਵ ਕਾਵੜ ਭਗਤਾਂ ਦਾ ਕਾਠਗੜ੍ਹ ’ਚ ਭਰਵਾਂ ਸਵਾਗਤ

ਕਾਠਗੜ੍ਹ, 13 ਅਗਸਤ (ਹਰਸਿਮਰਨ ਜੋਤ ਸਿੰਘ ਕਲੇਰ) - ਸਾਉਣ ਮਹੀਨੇ ਦੀ ਪਵਿੱਤਰ ਸ਼ਿਵਰਾਤਰੀ ਦੇ ਸ਼ੁੱਭ ਦਿਹਾੜੇ ’ਤੇ ਕਸਬਾ ਕਾਠਗੜ੍ਹ ਅਤੇ ਆਸ-ਪਾਸ ਦੇ ਇਲਾਕੇ ਵਿੱਚ ਅਲੌਕਿਕ ਮਾਹੌਲ ਦੇਖਣ ਨੂੰ ਮਿਲਿਆ। ਹਰਿਦੁਆਰ ਦੀ ਪਵਿੱਤਰ ਧਰਤੀ ਹਰਿ ਕੀ ਪੌੜੀ ਤੋਂ ਲਗਪਗ 400 ਕਿਲੋਮੀਟਰ ਦਾ ਕਠਿਨ ਪੈਦਲ ਸਫ਼ਰ ਤੈਅ ਕਰਕੇ ਮੋਢਿਆਂ ’ਤੇ ਕਾਵੜ ਚੁੱਕ ਕੇ ਪਹੁੰਚੇ ਸ਼ਿਵ ਭਗਤਾਂ ਦਾ ਕਾਠਗੜ੍ਹ ਦੀ ਮੁੱਖ ਮਾਰਕੀਟ ਤੇ ਡੇਰਾ ਕੁੱਲਾਂ ਵਾਲੇ ਪੀਰ ਅਸਥਾਨ ਵਿਖੇ ਸਮੂਹ ਨਗਰ ਨਿਵਾਸੀਆਂ ਵੱਲੋਂ ਭਰਵਾਂ ਸਵਾਗਤ ਕੀਤਾ ਗਿਆ।