ਬੰਗਾ, 16 ਮਈ (ਕਰਮ ਲਧਾਣਾ)-ਫੁੱਟਬਾਲ ਅਕੈਡਮੀ ਮੰਗੂਵਾਲ ਦੇ ਕੋਚ ਸਰਬਜੀਤ ਸਰਬਾ ਤੇ ਖਿਡਾਰੀਆਂ ਵਲੋਂ ਉਲੰਪਿਕ ਫੁੱਟਬਾਲ ਵਿਚ ਭਾਰਤ ਦਾ ਨਾਂਅ ਰੌਸ਼ਨ ਕਰਨ ਵਾਲੇ ਸਵ: ਜਰਨੈਲ ਸਿੰਘ ਅਰਜਨਾ ਐਵਾਰਡੀ ਦੇ ਦਾਮਾਦ ਬਲਰਾਜ ਸਿੰਘ ਤੂਰ ਦੇ ਅਚਾਨਕ ਅਕਾਲ ਚਲਾਣਾ ਕਰ ਜਾਣ 'ਤੇ ਦੁੱਖ ਦਾ ਪ੍ਰਗਟ ਕੀਤਾ | ਕੋਚ ਸਰਬਜੀਤ ਮੰਗੂਵਾਲ ਨੇ ਕਿਹਾ ਕਿ ਬਲਰਾਜ ਸਿੰਘ ਤੂਰ ਕੁਝ ਸਾਲਾਂ ਤੋਂ ਆਪਣੀ ਪਤਨੀ, ਵੱਡੇ ਬੇਟੇ ਮਨੀ ਅਤੇ ਪੋਤੇ ਦੇ ਵਿਛੋੜੇ ਕਾਰਨ ਬੇਹੱਦ ਦੁਖੀ ਸਨ | ਉਨ੍ਹਾਂ ਦੱਸਿਆ ਕਿ ਰਿਟਾਇਰਡ ਐਸ. ਪੀ. ਸ਼ਵਿੰਦਰਜੀਤ ਸਿੰਘ ਬੈਂਸ ਤੇ ਜਰਨੈਲ ਸਿੰਘ ਦੇ ਛੋਟੇ ਦੋਹਤੇ ਸਰਬਦੀਪ ਤੋਂ ਇਸ ਦੁਖਾਂਤ ਦਾ ਪਤਾ ਲੱਗਿਆ ਹੈ | ਅਸੀਂ ਸਾਰੇ ਪਰਿਵਾਰ ਵਲੋਂ ਇਸ ਗਹਿਰੇ ਦੁੱਖ ਦੀ ਘੜੀ ਵਿਚ ਅਸੀਂ ਤੂਰ ਪਰਿਵਾਰ ਦੇ ਦੁੱਖ ਵਿਚ ਸ਼ਰੀਕ ਹੁੰਦੇ ਹਾਂ |
