ਗੁਰੂਸਰ ਸੁਧਾਰ, 29 ਮਾਰਚ (ਬਲਵਿੰਦਰ ਸਿੰਘ ਧਾਲੀਵਾਲ)-ਚੰਡੀਗੜ੍ਹ ਵਿਖੇ ਕਰਵਾਈ ਗਈ ਖੋਲੋ ਮਾਸਟਰਜ਼ ਨੈਸ਼ਨਲ ਖੇਡਾਂ ਵਿਚ ਵੈਟਰਨ ਐਥਲੀਟ ਸੁੁਰਜੀਤ ਸਿੰਘ ਨੇ 400 ਮੀਟਰ ਦੌੜ, 800 ਮੀਟਰ ਦੌੜ, 1500 ਮੀਟਰ ਦੌੜ ਵਿਚ ਤਿੰਨ ਸੋਨ ਤਗ਼ਮੇ ਜਿੱਤ ਕੇ ਵੱਡੀ ਉਪਲਬਧੀ ਹਾਸਲ ਕੀਤੀ ਹੈ | ਇਸ ਤੋਂ ਬਿਨਾਂ 4ਗੁਣਾ100 ਮੀਟਰ ਦੌੜ ਵਿਚ ਚਾਂਦੀ ਦਾ ਤਗ਼ਮਾ ਜਿੱਤਣ ਵਿਚ ਸਫ਼ਲਤਾ ਪ੍ਰਾਪਤ ਕੀਤੀ | ਸੁਰਜੀਤ ਸਿੰਘ ਸੁਧਾਰ ਨੇ ਇਨ੍ਹਾਂ ਸ਼ਾਨਦਾਰ ਪ੍ਰਾਪਤੀਆਂ ਸਦਕਾ ਵੈਟਰਨ ਵੈੱਲਫ਼ੇਅਰ ਆਰਗੇਨਾਈਜੇਸਨ ਜ਼ਿਲ੍ਹਾ ਲੁੁਧਿਆਣਾ ਅਤੇ ਸੂਬੇ ਸਮੇਤ ਪਿੰਡ ਸੁਧਾਰ ਦਾ ਨਾਂਅ ਰੌਸ਼ਨ ਕੀਤਾ ਹੈ | ਕੈਪਟਨ ਬਲਵਿੰਦਰ ਸਿੰਘ ਵੀ ਡਬਲਿਊ ਓ ਇੰਡੀਆ ਤੇ ਜ਼ਿਲ੍ਹੇ ਦੀ ਸਮੁੱਚੀ ਟੀਮ ਵਲੋਂ ਸੁਰਜੀਤ ਸਿੰਘ ਸੁਧਾਰ ਨੂੰ ਸ਼ਾਨਦਾਰ ਪ੍ਰਦਰਸ਼ਨ ਬਦਲੇ ਹਾਰਦਿਕ ਵਧਾਈ ਦਿੱਤੀ ਹੈ |
