ਨਵੀਂ ਦਿੱਲੀ, 7 ਜੁਲਾਈ (ਪੀ.ਟੀ.ਆਈ.) ਨਿਆਂਪਾਲਿਕਾ ਦੇ ਕਥਿਤ ਅਪਮਾਨ ਨੂੰ ਲੈ ਕੇ ਉੱਠੇ ਵਿਵਾਦ ਤੋਂ ਮਹੀਨਿਆਂ ਬਾਅਦ, ਐੱਨ.ਸੀ.ਈ.ਆਰ.ਟੀ. ਨੇ 8ਵੀਂ ਜਮਾਤ ਦੀ ਇੱਕ ਨਵੀਂ ਸਮਾਜਿਕ ਵਿਗਿਆਨ ਕਿਤਾਬ ਜਾਰੀ ਕੀਤੀ ਹੈ, ਜਿਸ ਵਿੱਚ ਵਿਵਾਦਪੂਰਨ ਭਾਗਾਂ ਨੂੰ ਹਟਾ ਦਿੱਤਾ ਗਿਆ ਹੈ। ਨਵੀਂ ਕਿਤਾਬ ’ਚ ਵਿਵਾਦਤ ਹਿੱਸਿਆਂ ਦੇ ਨਾਲ-ਨਾਲ ਅਦਾਲਤਾਂ ’ਚ ਲੰਬਿਤ ਮਾਮਲਿਆਂ (ਬੈਕਲਾਗ) ਅਤੇ ਅਦਾਲਤ ਦੇ 2 ਵੱਡੇ ਫ਼ੈਸਿਲਆਂ ਦੇ ਜ਼ਿਕਰ ਨੂੰ ਹਟਾ ਦਿੱਤਾ ਗਿਆ ਹੈ, ਜਦੋਂਕਿ ਜਨਹਿਤ ਪਟੀਸ਼ਨ (ਪੀ.ਆਈ.ਐੱਲ.), ਟ੍ਰਿਬਿਊਨਲ ਅਤੇ ਵਿਵਾਦ ਸੁਲਝਾਉਣ ਦੇ ਵਿਕਲਪਿਕ ਤਰੀਕਿਆਂ ਦੇ ਬਾਰੇ ’ਚ ਨਵੀਂ ਜਾਣਕਾਰੀ ਜੋੜੀ ਗਈ ਹੈ। ਅਧਿਆਇ ਦੇ ਸ਼ੁਰੂ ਵਿੱਚ “ਵੱਡੇ ਸਵਾਲ” ਭਾਗ ਨੂੰ ਵੀ ਬਦਲ ਦਿੱਤਾ ਗਿਆ ਹੈ। ਪੁਰਾਣੀ ਕਿਤਾਬ ਵਿੱਚ ਵਿਦਿਆਰਥੀਆਂ ਨੂੰ ਪੁੱਛਿਆ ਗਿਆ ਸੀ ਕਿ ਇੱਕ ਸੁਤੰਤਰ ਨਿਆਂਪਾਲਿਕਾ ਕਿਉਂ ਜ਼ਰੂਰੀ ਹੈ, ਪਰ ਨਵੀਂ ਕਿਤਾਬ ’ਚ ਪੁੱਛਿਆ ਗਿਆ ਹੈ ਕਿ “ਨਿਆਂਇਕ ਅਤੇ ਸਦਭਾਵਨਾਪੂਰਨ ਸਮਾਜ” ਲਈ ਨਿਆਂ ਕਿਉਂ ਜ਼ਰੂਰੀ ਹੈ।”ਨਿਆਂਇਕ ਪ੍ਰਣਾਲੀ ਦਾ ਸਾਹਮਣਾ ਕਰ ਰਹੀਆਂ ਚੁਣੌਤੀਆਂ” ਸਿਰਲੇਖ ਵਾਲਾ ਭਾਗ ਪੂਰੀ ਤਰ੍ਹਾਂ ਹਟਾ ਦਿੱਤਾ ਗਿਆ ਹੈ।
