ਫਗਵਾੜਾ, 20 ਨਵੰਬਰ (ਹਰਜੋਤ ਸਿੰਘ ਚਾਨਾ)-ਸਕੂਲ ਆਫ਼ ਐਮੀਨੈਂਸ ਫਗਵਾੜਾ ਨੇ 69ਵੀਆਂ ਪੰਜਾਬ ਰਾਜ ਅੰਤਰ ਜ਼ਿਲ੍ਹਾ ਖੇਡਾਂ 'ਚ ਜ਼ਿਲ੍ਹਾ ਕਪੂਰਥਲਾ ਦਾ ਨਾਂਅ ਰੌਸ਼ਨ ਕਰ ਦਿੱਤਾ | ਸਕੂਲ 'ਚ ਕਰਵਾਏ ਇੱਕ ਵਿਸ਼ੇਸ਼ ਸਨਮਾਨ ਸਮਾਰੋਹ ਦੌਰਾਨ ਪਿ੍ੰਸੀਪਲ ਰਣਜੀਤ ਕੁਮਾਰ ਗੋਗਨਾ ਨੇ ਸਕੂਲ ਦੀਆਂ ਦੋ ਖਿਡਾਰਨਾਂ ਬਿੰਦੀਆ ਤੇ ਭਾਰਤੀ ਦਾ ਸਨਮਾਨ ਕੀਤਾ | ਬਿੰਦੀਆ ਨੇ ਕਿਕ-ਬਾਕਸਿੰਗ ਮੁਕਾਬਲੇ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਗੋਲਡ ਮੈਡਲ ਜਿੱਤਿਆ, ਜਦਕਿ ਭਾਰਤੀ ਨੇ ਉੱਤਮ ਖੇਡ ਕੌਸ਼ਲ ਦਿਖਾਉਂਦੇ ਹੋਏ ਬਰੋਨਜ਼ ਮੈਡਲ ਹਾਸਲ ਕੀਤਾ ਹੈ | ਦੋਵਾਂ ਖਿਡਾਰਨਾਂ ਦੇ ਨਾਲ ਉਨ੍ਹਾਂ ਦੇ ਕੋਚ ਪਿ੍ੰਸ ਤੇ ਦੇਸਰਾਜ (ਪੀ.ਟੀ.ਆਈ) ਨੂੰ ਵੀ ਸਕੂਲ ਪਹੁੰਚਣ 'ਤੇ ਗਰਮਜੋਸ਼ੀ ਨਾਲ ਹਾਰ ਪਹਿਨਾ ਕੇ ਸੁਆਗਤ ਕੀਤਾ ਗਿਆ | ਪਿ੍ੰ. ਰਣਜੀਤ ਕੁਮਾਰ ਗੋਗਨਾ ਨੇ ਖਿਡਾਰਨਾਂ, ਕੋਚਾਂ, ਕਲਾਸ ਇੰਚਾਰਜ ਸੁਮਿਤ ਗੁਪਤਾ, ਕੁਲਵਿੰਦਰ ਕੌਰ, ਵਿਨੋਦ ਕੁਮਾਰ ਤੇ ਸਮੂਹ ਸਟਾਫ਼ ਨੂੰ ਸ਼ਾਨਦਾਰ ਸਫਲਤਾ ਲਈ ਵਧਾਈ ਦਿੱਤੀ |
