ਜਲੰਧਰ, 24 ਦਸੰਬਰ (ਜਸਪਾਲ ਸਿੰਘ)-ਪਿੰਡ ਫੋਲੜੀਵਾਲ ਵਿਖੇ ਕ੍ਰਿਸਮਸ ਸੰਬੰਧੀ ਪਾਸਟਰ ਡੈਨੀਅਲ ਸਿੱਧੂ ਦੀ ਅਗਵਾਈ ਹੇਠ ਸ਼ੋਭਾ ਯਾਤਰਾ ਸਜਾਈ ਗਈ | ਇਸ ਸੰਬੰਧੀ ਮਸੀਹੀ ਭਾਈਚਾਰੇ ਦੇ ਪ੍ਰਮੁੱਖ ਆਗੂ ਸੂਰਜ ਮਸੀਹ ਸਾਬਕਾ ਸਰਪੰਚ ਪਿੰਡ ਫੋਲੜੀਵਾਲ ਨੇ ਦੱਸਿਆ ਕਿ ਇਸ ਸ਼ੋਭਾ ਯਾਤਰਾ 'ਚ ਵੱਖ-ਵੱਖ ਗਿਰਜਾਘਰਾਂ ਦੇ ਪਾਸਟਰ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਹੋਏ | ਇਸ ਮੌਕੇ ਸ਼ਰਧਾਲੂਆਂ ਨੇ ਪ੍ਰਾਥਨਾ ਸਭਾ 'ਚ ਹਿੱਸਾ ਲਿਆ ਤੇ ਪ੍ਰਭੂ ਯਿਸੂ ਮਸੀਹ ਦੀ ਉਸਤਤ 'ਚ ਭਜਨ ਗਾਇਨ ਕੀਤੇ | ਇਸ ਮੌਕੇ ਪਾਸਟਰ ਡੈਨੀਅਲ ਸਿੱਧੂ ਨੇ ਮਸੀਹੀ ਭਾਈਚਾਰੇ ਦੇ ਲੋਕਾਂ ਨੂੰ ਕ੍ਰਿਸਮਸ ਦੀ ਵਧਾਈ ਦਿੰਦੇ ਹੋਏ ਵਿਸ਼ਵ ਸ਼ਾਂਤੀ ਤੇ ਭਾਈਚਾਰਕ ਸਾਂਝ ਦੀ ਮਜ਼ਬੂਤੀ ਲਈ ਪ੍ਰਾਥਨਾ ਕੀਤੀ | ਇਸ ਮੌਕੇ ਪਾਸਟਰ ਅਸ਼ੋਕ, ਪਾਸਟਰ ਜਸਵੀਰ, ਪਾਸਟਰ ਹਨੂਕ, ਪਾਸਟਰ ਪ੍ਰੇਮ, ਪਾਸਟਰ ਜੌਹਨ ਸਟੀਫਨ, ਰਵੀ ਮਸੀਹ, ਲੌਰੈਂਸ ਮਸੀਹ, ਰਵੀ ਸਾਦ, ਸੈਮੁਅਲ ਮਸੀਹ, ਡਿਕਸਨ ਮਸੀਹ, ਸੁਮਨ, ਸਾਬਕਾ ਸਰਪੰਚ ਨੈਥੇਨੀਅਲ ਜੀਤਾ, ਸੈਮਸਨ ਮਸੀਹ, ਡਾ. ਤਰਸੇਮ ਮਸੀਹ, ਪੰਚ ਫਰੀਡਾ, ਰਾਜਨ ਮਸੀਹ, ਪੰਚ ਅਰਥਲ ਤੇ ਪੰਚ ਸੰਨੀ ਆਦਿ ਵੀ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਹੋਏ |
