ਮਹਿੰਗੀਆਂ ਐਲ. ਈ. ਡੀ. ਲਾਈਟਾਂ ਗਾਇਬ ਕਰ ਕੇ ਲੱਗ ਰਹੀਆਂ 100 ਰੁਪਏ ਵਾਲੀਆਂ ਲਾਈਟਾਂ

ਅ

ਅਜੀਤ ਡੈਸਕ 21-11-2025

ਜਲੰਧਰ, 20 ਨਵੰਬਰ- ਸ਼ਹਿਰ ਵਿਚ 70 ਹਜ਼ਾਰ ਤੋਂ ਜ਼ਿਆਦਾ ਐਲ. ਈ. ਡੀ. ਲਾਈਟਾਂ ਦੀ ਸੰਭਾਲ ਦਾ ਕੰਮ ਕਰ ਰਹੀ ਐੱਚ. ਪੀ. ਐਲ. ਕੰਪਨੀ ਸਾਹਮਣੇ ਨਵਾਂ ਸੰਕਟ ਪੈਦਾ ਹੋ ਗਿਆ ਹੈ ਕਿਉਂਕਿ ਸ਼ਹਿਰ 'ਚ ਕਈ ਥਾਵਾਂ 'ਤੇ ਉਸ ਦੀਆਂ ਮਹਿੰਗੀਆਂ ਐਲ. ਈ. ਡੀ. ਲਾਈਟਾਂ ਦੀ ਜਗ੍ਹਾ 100 ਰੁਪਏ ਵਾਲੀਆਂ ਲਾਈਟਾਂ ਲਗਾ ਦਿੱਤੀਆਂ ਗਈਆਂ ਹਨ ਜਿਹੜੀ ਕਿ ਇੱਕ ਜਾਂ ਦੋ ਦਿਨ ਵਿਚ ਹੀ ਖ਼ਰਾਬ ਹੋ ਰਹੀਆਂ ਹਨ | ਇਸ ਤਰ੍ਹਾਂ ਦੇ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਕੰਪਨੀ ਨੇ 100 ਰੁਪਏ ਵਾਲੀਆਂ ਲਾਈਟਾਂ ਦੀ ਸੰਭਾਲ ਕਰਨ ਤੋਂ ਸਪਸ਼ਟ ਨਾਂਹ ਕਰ ਦਿੱਤੀ ਹੈ ਕਿਉਂਕਿ ਉਨ੍ਹਾਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੇ ਜਿਹੜੀਆਂ ਲਾਈਟਾਂ ਲਗਾਈਆਂ ਸੀ, ਉਨ੍ਹਾਂ ਵਿਚ ਕਈ ਥਾਵਾਂ 'ਤੇ 100 ਰੁਪਏ ਵਾਲੀਆਂ ਲਾਈਟਾਂ ਲਗਾਈਆਂ ਗਈਆਂ ਹਨ | ਇਨ੍ਹਾਂ ਦੀ ਗਿਣਤੀ 2500 ਤੋਂ ਲੈ ਕੇ 3000 ਦੇ ਕਰੀਬ ਹੋ ਸਕਦੀ ਹੈ | ਐਚ. ਪੀ. ਐਲ. ਕੰਪਨੀ ਨੇ ਇਸ ਤਰ੍ਹਾਂ ਦੇ ਕਈ ਮਾਮਲੇ ਫੜੇ ਹਨ ਜਿਨ੍ਹਾਂ ਵਿਚ 66 ਫੁੱਟੀ ਰੋਡ 'ਤੇ ਵਿਜੇ ਕਾਲੋਨੀ ਕੋਲ ਉਨ੍ਹਾਂ ਦੀ ਮਹਿੰਗੀ ਲਾਈਟ ਬਦਲ ਕੇ ਸਸਤੀ ਲਾਈਟ ਲਗਾ ਦਿੱਤੀ ਗਈ ਹੈ | ਕੰਪਨੀ ਦਾ ਕਹਿਣਾ ਸੀ ਕਿ ਇਹ ਉਨ੍ਹਾਂ ਦੀਆਂ ਲਾਈਟਾਂ ਕਾਫੀ ਮਹਿੰਗੀਆਂ ਹਨ | ਇਹ ਲਾਈਟਾਂ ਨੂੰ ਕੌਣ ਗ਼ਾਇਬ ਕਰ ਰਿਹਾ ਹੈ, ਇਸ ਦਾ ਪਤਾ ਲਗਾਇਆ ਜਾ ਰਿਹਾ ਹੈ, ਜਿਨ੍ਹਾਂ ਥਾਵਾਂ 'ਤੇ ਇਹ ਲਾਈਟਾਂ ਬਦਲੀਆਂ ਗਈਆਂ ਹਨ | ਉੱਥੇ ਜਾ ਕੇ ਸਬੰਧਿਤ ਲੋਕਾਂ ਤੋਂ ਜਾਣਕਾਰੀ ਲਈ ਜਾਵੇਗੀ ਤੇ ਇਸ ਮਾਮਲੇ ਵਿਚ ਕੇਸ ਵੀ ਦਰਜ ਕਰਵਾਇਆ ਜਾਵੇਗਾ ਕਿਉਂਕਿ ਕੰਪਨੀ ਦਾ ਵੱਡਾ ਨੁਕਸਾਨ ਹੋ ਰਿਹਾ ਹੈ | ਕੰਪਨੀ ਨੇ ਤਾਂ ਇਸ ਵਿਚ ਸ਼ੰਕਾ ਜ਼ਾਹਿਰ ਕੀਤੀ ਕਿ ਇਸ ਮਾਮਲੇ ਵਿਚ ਕੁੱਝ ਲੋਕਾਂ ਦੀ ਮਿਲੀਭੁਗਤ ਵੀ ਹੋ ਸਕਦੀ ਹੈ | ਕੰਪਨੀ ਵਲੋਂ 18 ਵਾਟ ਵਾਲੀ 1700 ਰੁਪਏ, 35 ਵਾਟ ਵਾਲੀ ਲਾਈਟ 3500 ਤੇ 70 ਵਾਟ ਵਾਲੀ ਐਲ. ਈ. ਡੀ. ਲਾਈਟ 4500 ਰੁਪਏ ਵਿਚ ਲਗਾਈ ਜਾ ਰਹੀ ਹੈ ਪਰ ਇਹ ਲਾਈਟਾਂ ਦੇ ਚੋਰੀ ਹੋਣ ਨਾਲ ਉਨ੍ਹਾਂ ਦਾ ਕਾਫੀ ਨੁਕਸਾਨ ਹੋ ਰਿਹਾ ਹੈ | ਦੱਸਿਆ ਜਾਂਦਾ ਹੈ ਕਿ ਕੰਪਨੀ ਨੂੰ ਸ਼ਹਿਰ ਵਿਚ ਕਾਫੀ ਪੁਰਾਣੀਆਂ ਲੱਗੀਆਂ 25000 ਦੇ ਕਰੀਬ ਲਾਈਟਾਂ ਦੀ ਸੰਭਾਲ ਦਾ ਕੰਮ ਦਿੱਤਾ ਜਾ ਰਿਹਾ ਹੈ ਤੇ ਇਸ ਲਈ ਚੰਡੀਗੜ੍ਹ ਫਾਈਲ ਭੇਜੀ ਗਈ ਹੈ | ਮਨਜੂਰੀ ਮਿਲਣ ਤੋਂ ਬਾਅਦ 25000 ਹੋਰ ਲਾਈਟਾਂ ਦੀ ਸੰਭਾਲ ਦਾ ਕੰਮ ਐੱਚ. ਪੀ. ਐਲ. ਕੰਪਨੀ ਨੂੰ ਦਿੱਤਾ ਜਾਵੇਗਾ |

ਲਾਈਟਾਂ ਬੰਦ ਹੋਣ ਦੀ ਪ੍ਰਮੁੱਖ ਸਕੱਤਰ ਨੂੰ ਕੀਤੀ ਸ਼ਿਕਾਇਤ
ਜਲੰਧਰ ਭਾਜਪਾ ਦੇ ਆਗੂ ਪ੍ਰਦੀਪ ਖੁੱਲਰ ਨੇ ਸਥਾਨਕ ਸਰਕਾਰਾਂ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਤੇਜਵੀਰ ਸਿੰਘ ਨੂੰ ਇੱਕ ਪੱਤਰ ਲਿਖ ਕੇ ਮਾਸਟਰ ਗੁਰਬੰਤਾ ਸਿੰਘ ਮਾਰਗ ਜਲੰਧਰ ਵਿਚ 100 ਤੋਂ ਵੱਧ ਸਟਰੀਟ ਲਾਈਟਾਂ ਦੇ ਲੰਬੇ ਸਮੇਂ ਤੋਂ ਬੰਦ ਹੋਣ ਦੀ ਸ਼ਿਕਾਇਤ ਕੀਤੀ ਹੈ | ਉਨ੍ਹਾਂ ਨੇ ਲਿਖਿਆ ਕਿ ਇਸ ਰਸਤੇ 'ਤੇ ਨਹਿਰ ਦੇ ਨਾਲ ਇੱਕ ਸੈਰਗਾਹ ਬਣਾਈ ਗਈ ਹੈ ਪਰ ਬਦਕਿਸਮਤੀ ਨਾਲ ਇਨ੍ਹਾਂ 'ਚੋਂ ਇੱਕ ਵੀ ਸਟਰੀਟ ਲਾਈਟ 10 ਮਹੀਨਿਆਂ ਤੋਂ ਵੱਧ ਸਮੇਂ ਤੋਂ ਕੰਮ ਨਹੀਂ ਕਰ ਰਹੀ ਹੈ | ਉਸ ਨੇ ਨਿਗਮ ਅਫ਼ਸਰਾਂ ਨੂੰ ਸ਼ਿਕਾਇਤ ਕੀਤੀ ਪਰ ਕਿਸੇ ਨੇ ਕੋਈ ਧਿਆਨ ਨਹੀਂ ਦਿੱਤਾ | ਇਸ ਕਰਕੇ ਉਨਾਂ ਨੂੰ ਇਸ ਸਮੱਸਿਆ ਬਾਰੇ ਜਾਣੰੂ ਕਰਵਾਇਆ ਗਿਆ ਹੈ | ਇਸ ਮਾਮਲੇ ਵਿਚ ਲਾਪਰਵਾਹੀ ਕਰਨ ਵਾਲਿਆਂ ਦੇ ਖ਼ਿਲਾਫ਼ ਕਾਰਵਾਈ ਕੀਤੀ ਜਾਵੇ | ਜੇਕਰ ਇਹ ਮੁੱਦਾ ਜਲਦੀ ਹੱਲ ਨਹੀਂ ਹੋਇਆ ਤਾਂ ਉਹ ਨਗਰ ਨਿਗਮ ਕਮਿਸ਼ਨਰ ਅਤੇ ਮੇਅਰ ਦੇ ਦਫ਼ਤਰਾਂ ਦੇ ਬਾਹਰ ਧਰਨਾ ਦੇਣਗੇ | ਆਪ ਲੋਕਾਂ ਦੇ ਮਸਲੇ ਹੱਲ ਕਰਨ ਵਿਚ ਅਸਫਲ ਰਹੀ ਹੈ |

ਮਹਿੰਗੀਆਂ ਐਲ. ਈ. ਡੀ. ਲਾਈਟਾਂ ਗਾਇਬ ਕਰ ਕੇ ਲੱਗ ਰਹੀਆਂ 100 ਰੁਪਏ ਵਾਲੀਆਂ ਲਾਈਟਾਂ

Subscribers Only Story

ਸੰਬੰਧਿਤ ਖ਼ਬਰਾਂ