ਜਲੰਧਰ, 19 ਜੁਲਾਈ (ਸ਼ਿਵ)- ਜਲੰਧਰ ਪੱਛਮੀ ਦੇ ਵਾਰਡ ਨੰਬਰ 51 ਦੇ ਗਰੀਨ ਐਵੇਨਿਊ ਦੇ ਮੁਹੱਲਾ ਗੀਤਾ ਕਲੋਨੀ ਵਿਚ ਨਵੀਆਂ ਸਟਰੀਟ ਲਾਈਟਾਂ ਲਗਾਈਆਂ ਗਈਆਂ ਤੇ ਇਲਾਕਾ ਨਿਵਾਸੀਆਂ ਨੇ ਵਾਰਡ ਇੰਚਾਰਜ ਪ੍ਰਵੀਨ ਗੋਰੀਆ ਨੂੰ ਗੀਤਾ ਕਲੋਨੀ ਵਿਚ ਸੜਕਾਂ 'ਤੇ ਉੱਗ ਰਹੇ ਜੰਗਲੀ ਬੂਟੀ ਬਾਰੇ ਸ਼ਿਕਾਇਤ ਕੀਤੀ, ਜਿਸ ਨੂੰ ਉਨ੍ਹਾਂ ਨੇ ਅੱਜ ਮੇਅਰ ਵਨੀਤ ਧੀਰ ਦੇ ਧਿਆਨ ਵਿਚ ਲਿਆਂਦਾ ਤੇ ਵਨੀਤ ਧੀਰ ਨੇ ਬਾਗ਼ਬਾਨੀ ਵਿਭਾਗ ਦੇ ਕਰਮਚਾਰੀਆਂ ਨੂੰ ਮੌਕੇ 'ਤੇ ਭੇਜਿਆ ਅਤੇ ਇਸ ਦੀ ਸਫ਼ਾਈ ਕਰਵਾਈ | ਗੀਤਾ ਕਲੋਨੀ ਤੇ ਗ੍ਰੀਨ ਐਵੇਨਿਊ ਵਿਚ ਕੁੱਝ ਨਵੀਆਂ ਲਾਈਟਾਂ ਲਗਾਈਆਂ ਗਈਆਂ ਤੇ ਖ਼ਰਾਬ ਲਾਈਟਾਂ ਦੀ ਮੁਰੰਮਤ ਕੀਤੀ ਗਈ | ਪ੍ਰਵੀਨ ਗੋਰੀਆ ਨੇ ਦੱਸਿਆ ਕਿ ਵਾਰਡ ਨੰਬਰ 51 ਵਿਚ ਕੈਬਨਿਟ ਮੰਤਰੀ ਮਹਿੰਦਰ ਭਗਤ, ਮੇਅਰ ਵਨੀਤ ਧੀਰ ਵਲੋਂ ਈਸ਼ਵਰ ਨਗਰ, ਗਰੀਨ ਐਵੇਨਿਊ ਵਿਚ ਪੀਣ ਵਾਲੇ ਪਾਣੀ ਲਈ ਇਕ ਨਵਾਂ ਟਿਊਬਵੈੱਲ ਲਗਾਇਆ ਗਿਆ ਅਤੇ ਕਾਂਸ਼ੀ ਨਗਰ ਮੋੜ ਤੋਂ ਗਰੀਨ ਐਵੇਨਿਊ ਤੱਕ ਸੜਕ ਵੀ ਬਣਾਈ ਗਈ ਹੈ |
